भदौं महिनामामात्र एकै पटक तीन सचिव पद रिक्त हुन पुगेको छ । एक सचिवले कार्यकाल बाँकी छँदै राजीनामा दिएसँगै र दुई सचिवहरु अनिवार्य अवकाशमा गएका कारण तीन सचिव पद रिक्त हुन पुगेको हो ।
बिज्ञापन
गत १५ भदौंमा सचिव सुरेश आचार्य ५८ बर्षे उमेर हद लागेर घर गएसँगै निजामती सेवामा एकै पटक तीन पद रिक्त हुन पुगेको छ । यस्तै गण्डकी प्रदेशको प्रमुख सचिव डा खगेन्द्रप्रसाद सुवेदी ५८ वर्ष पुगेर आजैबाट अनिवार्य अवकाशमा गएसँगै निजामती सेवामा तीन पद रिक्त हुन पुगेको छ ।
बिज्ञापन
मुख्य सचिव बन्ने लाइनमा रहेका सचिव भरतमणि सुवेदीले चार महिना अवधि बाँकी रहँदै पदबाट राजीनामा दिएसँगै प्रशासन सेवाको अर्काे पद पनि रिक्त हुन पुगेको छ ।
यस्तै आजैमात्र अर्काे सचिव पनि अनिवार्य अवकाशमा गएका छन्,खगेन्द्र सुवेदी । महालेखा नियन्त्रक रघुराम विष्टले अनिवार्य अवकाशमा गएसँगै गत असार २ मा बसेको मन्त्रिपरिषद्को बैठकले दोश्रो नम्बरमा रहेका सुवेदीलाई सचिवमा बढुवा गरेको हो ।
यस अघि नै सुवेदीसहित बढुवाका लागि सहसचिवद्वय डण्डुराज घिमिरे र कृष्णप्रसाद काप्रिको नाम सिफारिस गरेको भए पनि दोस्रो नम्बरका सुवेदीले बाजी मारेका थिए । डण्डुको नाम पटक पटक गरी पाँच पटक सम्म सचिव बढुवाका लागि सिफारिस भएर पनि उनलाई गोकर्णमणि दुवाडीकै हालत बनाइएको छ ।
बिज्ञापन
रिक्त रहेको तीन सचिव पदमा उक्लनका लागि बरिष्ठ सहसचिवहरू डण्डुराज घिमिरे, कृष्णप्रसाद काप्री र बैकुण्ठप्रसाद अर्याल प्रतिस्पर्धामा छन्। यस्तै प्राविधिकतर्फ रिक्त हुन पुगेको एक पदमा चिरञ्जीवी चटौत, जगदिश्वर कर्माचार्य र नवीनराज सिंह प्रतिस्पर्धामा छन् ।
