कुलिङ पिरियडको गडबडीमा जोडिएर संसदीय छानबिन समितिबाट दोषी करार भइ राजीनामा दिएका रामहरि खतिवडालाई अर्को समितिमा सारिएको छ ।
बिज्ञापन
राज्य व्यवस्था तथा सुशासन समितिबाट कुलिङ अफ पिरियडको प्रावधानमा छेडखानी गरिए पछि मा छानबिन गर्न बनेको संसदीय विशेष समितिले सभापतिका रूपमा खतिवडालाई समेत जिम्मेवार मानेपछि उनले राजीनामा दिएका थिए ।
बिज्ञापन
खतिवडालाई संसदीय सुनुवाइ समिति (संयुक्त) मा सरुवा गरिएको छ । संसदीय सुनुवाइ समिति सभापति ईश्वरीदेवी न्यौपानेले पदबाट राजीनामा दिएर राज्य व्यवस्था तथा सुशासन समिति सभापतिमा निर्वाचित भएपछि रिक्त रहेको सदस्यमा खतिवडालाई लगिएको हो ।
प्रतिनिधिसभाको शुक्रबारको बैठकमा उपसभामुख इन्दिरा रानामगरले खतिवडालाई संसदीय सुनुवाइ समितिमा पठाउन गरेको प्रस्ताव सर्वसम्मतिले स्वीकृत भएको घोषणा गरेकी हुन ।
बिज्ञापन
