गृहसचिव एकनारायण अर्यालले भिजिट भिसामार्फत अनाधिकृत रूपमा विदेश पठाउने गिरोह राजनीतिक संरक्षणमा रहेको बताएका छन् ।
बिज्ञापन
सचिव अर्यालले बुधबार राज्यव्यवस्था तथा सुशासन समितिमा सांसदहरूले उठाएको प्रश्नको जवाफमा भिजिट भिसाको गिरोहका संरक्षक राजनीतिज्ञको नाम पनि बताउन सक्ने बताए । “भिजिट भिसामा राजनीतिक व्याक सपोर्ट छ । क–कसको छ त्यो म पछि भनौँला, व्यक्तिगत पनि भनौँला,” अर्यालले भने, “यहाँबाट कोलम्बो लैजाने, दिल्ली लैजाने, दुबई पठाउने र त्यहाँबाट तेस्रो मुलुक पठाउने काम भइरहेको छ ।”
बिज्ञापन
दलाल र विचौलियालाई राजनीतिक संरक्षण नहुने हो भने यो सहजै अन्त्य हुने उनको दाबी छ । यसका लागि गृह मन्त्रालयले श्रम तथा रोजगार मन्त्रालयसँग छलफल थालिसकेको सचिव अर्यालले बताए।
बिज्ञापन
