बिज्ञापन

बिज्ञापन

सवारी चालक अनुमति पत्रको अनलाइन फारम भरी दिने, लिखित परीक्षामा उत्तीर्ण गराई ट्रायल परीक्षामा समेत पास गरिदिने भनी सेवाग्राहीसँग घुस,रिसवत लिएको आरोपमा विशेष अदालत काठमाडौँमा मुद्दा दायर गरिएको हो ।

सेवाग्राहीलाई दुख दिएको भन्दै उजुरी परेपछी अख्तियार कार्यालय पोखराले कार्यालय सहयोगी पौडेल निगरानीमा राख्दै आएको थियो । उनले एक सेवाग्राहीसङ्ग नगद ७ हजार लिइसकेको अबस्थामा रङ्गेहात पक्राउ गरेको अख्तियारले तीन साता पछि विशेषमा मुद्धा लगेको हो ।
कार्यालयका अनुसार उनी पछिल्लो तीन बर्षदेखि करार सेवामा कार्यरत भए पनि लाइसेन्सको लिखित र ट्रायल परिक्षामा सामेल हुँद आएका थिए । अनुसन्धानको क्रममा उनले लाइसेन्सको लिखित परीक्षा र ट्रायल पास गराइदिने भनि घुस लिएको खुलेको अभियोग पत्रमा उल्लेख छ । भ्रष्टाचार निवारण ऐन, २०५९ को दफा ३ को उपदफा (१) बमोजिम सात हजार रुपैयाँ बिगो कायम गर्दै प्रतिवादीलाई कैद र जरिवाना तोक्न अख्तियारले माग गरेको छ ।