गृह मन्त्रालयले ५४ दिनमै त्रिभुवन अन्तर्राष्ट्रिय विमानस्थल अध्यागमन कार्यालयका प्रमुख अध्यागमन अधिकृत विष्णुप्रसाद कोइरालालाई मन्त्रालयमा तानेको छ ।

बिज्ञापन

गत जेठ पहिलो साता गते त्रिभुवन अन्तर्राष्ट्रिय विमानस्थल अध्यागमन कार्यालयका तत्कालीन प्रमुख अध्यागमन अधिकृत तीर्थराज भट्टराईलाई मन्त्रालयमा तानेर पाँचथरको प्रमुख जिल्ला अधिकारी रहेका कोइरालालाई अध्यागनमा खटाइएकोमा ५४ दिनमै उनलाई मन्त्रालयमा तानेर नरहरि घिमिरेलाई खटाइएको छ । घिमिरेलाई खोटाङको प्रमुख जिल्ला अधिकारीको जिम्मेवारीबाट तानेर त्रिवि अध्यागमनमा खटाइएको छ । गृह भित्रनु अघि उनी अख्तियार दुरुपयोग अनुसन्धान आयोगमा कार्यरत रहेका थिए ।
गृह मन्त्रालयले अध्यागमन कार्यालयको प्रमुख समेत परिवर्तन गरेको छ । ९ महिनामै महानिर्देशक गोविन्द रिजाललाई मन्त्रालयमा तानेर त्यहाँ रामचन्द्र तिवारीलाई खटाएको छ । यस्का अलवा गृह मन्त्रालयले अध्यागमनको सेट नै व्यापक हेरफेर गर्ने तयारी गरेको छ ।