बिज्ञापन

बिज्ञापन

यसरी सम्पर्क विहिन भएका सात कर्मचारी सम्पर्कमा आएका छन् । उनीहरु काम सकेर लिवाङ फर्किंरहेको जनाइएको छ । यस अघि पालिकाले विज्ञप्ति नै निकालेर सात कर्मचारीहरु गत २३ गतेदेखि सम्पर्क विहीन भएको जनाएको थियो ।

कार्यालयको भुक्तानीका लागि आवश्यक पर्ने ओटीपी कोडका लागि उनीहरू रुकुम पूर्व गएर काम गर्ने भन्दै हिँडेका तर खोजी कार्य गर्दा कतै नभेटिएको र कार्यालयको तर्फबाट सम्पर्क गर्दा सबैको मोबाइल अफ रहेकाले कार्यालयको कामकाजमा समस्या हुँदा यथाशीघ्र सम्पर्कमा आइदिनुहुन पालिकाद्धारा विज्ञप्ति नै जारी गरिएको थियो ।

यद्यपि आर्थिक बर्ष सकिने समय र भुक्तानीको अन्तिम समयमा  कर्मचारीहरु काम छाडेर बेपत्ता भएको केही ठेकेदारहरुको आरोप छ । ठेकेदारहरुका अनुसार भुक्तानी प्रक्रिया अगाडि बढाउन ठेकेदारसँग केही प्रतिशत रकम माग गरिएको थियो । ठेकेदारहरुले मागअनुसार रकम नदिएपछि भुक्तानी प्रक्रिया रोकिनुका साथै सम्बन्धित कर्मचारीहरू ‘सम्पर्क विच्छेद गराएर ’ फरार भएको आरोप लगाइरहेका छन् ।