नेपाली कांग्रेसका केन्द्रीय सदस्य रामहरि खतिवडाले संसदीय समितिबाट राजीनामा नदिने भएका छन् । यस अघि संसदीस्य छानबिन समिति बने लगतै आफू राजीनामा दिने बताउँदै आएका खतिवडाले तत्काल भने राज्य व्यवस्था तथा सुशासन समितिको सभापतिबाट राजीनामा नदिने भएका हुन ।
बिज्ञापन
राज्य व्यवस्था तथा सुशासन समितिबाट गत जेठ १ गते पारित भइ प्रतिनिधि सभामा असार ३ गते दर्ता भएको संघीय निजामती सेवा विद्येयक ०८० पारित हुँदा कुलिङ पिरियड प्रावधानमा छेडखानी भएको भेटिएपछि सो समितिका सभापतिको हैसियतले रामहरि खतिवडाले राजीनामा दिनुपर्ने आवाज उठ्दै आएको थियो । मस्यौदाको अन्तिम हस्ताक्षरकर्ता मानिएका समिति सचिव सुरजकुमार दुराले गत बुधबारै राजीनामा दिइसकेका छन् । यस्तै समितिका सभापति रामहरि खतिवडाले समेत राजीनामा दिनुपर्ने समितिकै सदस्यहरुले माग राख्दै आएका थिए । यस अघि खतिवडाले संसदीय विशेष छानबिन समिति बनेसँगै आफूले सभापति पदबाट राजीनामा दिने बताउँदै आएका थिए ।
बिज्ञापन
पछि कुरा बदल्दै पार्टी केन्द्रीय कार्यालय सानेपामा केन्द्रीय समितिको बैठकमा बोल्दै खतिवडाले पार्टीले निर्देशन दिए राज्य व्यवस्था तथा सुशासन समितिको सभापतिबाट हट्न आफू तयार रहेको बताएका थिए । उनले सभापतिको हैसियतमा मेरो पनि छ गल्ती छ भनेर पार्टीले बाहिर बस भन्छ भने म तयार छु। तर अहिले जे भइरहेको छ यो मेरो गल्तीका कारण र मेरा कारण भएको कुरा होइन भन्दै पार्टी बैठकमा स्पष्टीकरण दिएका थिए ।
यता सोमबारमात्र सभामुख देवराज घिमिरेले सो छलछाम छानबिन गर्न नेपाली कांग्रेसका जीवन परियार र सुशीला थिङ, नेकपा एमालेका ईश्वरी घर्ती र नारायणप्रसाद आचार्य, नेकपा माओवादी केन्द्रका माधव सापकोटा, रास्वपाका गणेश पराजुली र राप्रपाकी रोशन कार्की सदस्य रहने गरी सात सदस्यीय छानबिन समिति गठन भएसँगै खतिवडाले कुरा बदलेका छन् । उनले संसदीय समितिले प्रतिवेदन नबुझाएसम्म प्रतिनिधिसभाअन्तर्गत राज्य व्यवस्था तथा सुशासन समितिको बैठकमा नजाने र
गाडी सुविधा पनि छोड्ने बताएका छन् ।
