अख्तियारले दुरुपयोग अनुसन्धान आयोगले शाखा अधिकृतसहित ९ जनाविरुद्ध भ्रष्टाचार मुद्धा दायर गरेको छ । अख्तियारले नाला तथा फोहोरमैला व्यवस्थापन शीर्षकबाट विनाकुनै निर्णय बजार सेड निर्माण कार्यमा एउटै निर्माण व्यवसायीबाट फरक फरक तीन वटा नाममा टेन्डर भर्न लगाएको मिलेमतोमा भ्रष्टाचार गरेको अभियोगमा उनीहरुविरुद्ध भ्रष्टाचार मुद्धा दायर गरेको हो ।
बिज्ञापन
एउटै निर्माण व्यवसायीको तीन वटा फर्ममार्फत टेण्डर गराइ गुणस्तरहीन बजार सेड निर्माण गरी कामभन्दा बढी भुक्तानी दिएको अभियोग धनुषाको धनौजी गाउँपालिकाका तत्कालीन अध्यक्ष बद्रीनारायण सिंह, उपाध्यक्ष रामवतीदेवी मण्डलसहित ९ जना र १ कम्पनीविरुद्ध भ्रष्टाचार मुद्दा दायर गरेको हो ।
अख्तियारले तत्कालीन प्रमुख प्रशासकीय अधिकृतहरू गौरीशंकर मण्डल, सावनकुमार चौधरी, सब इन्जिनियर छोटे मण्डल, नायब सुब्बा नरेशकुमार मण्डल, लेखापाल राधेश्याम राय, सहलेखापाल विनोदकुमार मण्डल र एकता सप्लायर्स प्रालि तथा उक्त प्रालिका सञ्चालक ईन्द्रेशकुमार सिंहलाई पनि आयोगले प्रतिवादी कायम गरेको छ ।
बिज्ञापन
आर्थिक वर्ष २०७७ ७८मा बजार नाला तथा पोहोरमैला व्यवस्थापन शीर्षकबाट बिना कुनै निर्णय बजार सेड निर्माण कार्यमा गोप्य रुपमा एउटै निर्माण व्यवसायीबाट तीनवटा निर्माण व्यवसायीको नामले टेन्डर गरेको, कमिसन लिएर बिना प्रतिस्पर्धा एकता सप्लायर्ससँग मिलेमतोमा पटक पटक म्याद थप्दै गुणस्तरहीन बजार सेड निर्माण गरेको, सेड निर्माणको काम भन्दा बढी नापी किताब तयार गरी ३१ करोड ३४ लाख ७७८ रुपैयाँ बराबरको सरकारी सम्पत्ति हिनामिना गरेको अख्तियारको आरोप छ ।
अख्तियारले उनीहरूसँग ३१ करोड ३४ लाख रुपैयाँ विगो माग गरेको छ ।
