कुलिङ पिरियडमा चलखेलको आरोप लागेका सचिव सुरजकुमार दुराले आफूले जिम्मेवारी छाडिसकेको बताएका छन् ।
बुधबार राज्य व्यवस्था तथा सुशासन समितिमा भएको छलफलको क्रममा विद्येयकको अन्तिम हस्ताक्षरकर्ताको हैसियतले सचिव दुराले राजीनामा दिनुपर्ने आवाज उठेको थियो ।
नेकपा एकीकृत समाजवादीका बरिष्ठ उपाध्यक्ष राजेन्द्र पाण्डेदेखि पूर्व शिक्षामन्त्री कृष्ण गोपाल श्रेष्ठका अलवा अधिकांश सांसदहरुले समिति सभापति खतिवडा र सचिव दुराले राजीनामा दिनुसर्ने आवाज उठाएका छन् ।
बिज्ञापन
हिजोको बैठकमा कृष्ण गोपाल श्रेष्ठले सचिव सुरजकुमार दुरालाई भोलिदेखि बैठकमा देख्न नपरोस् भन्दै चेतावनी दिएका थिए । उनले तत्काल राजीनामा दिएर बाटो लाग्न आग्रहपूर्ण चेतावनी दिएका हुन् ।
बिज्ञापन
उनले भनेका थिए, दुराजी तपाईले यो समितिको सचिव रहिरहने नैतिक अधिकार गुमाइसक्नुभयो, भोलिदेखि हामी यता हेर्दा पनि हेर्दैनौँ, भोलिदेखि देख्न नपरोस् ।’
दुरा तीन साता अघिमात्र सहसचिवबाट सचिवमा बढुवा भएका हुन । सचिवालय सचिव सुदर्शन खड्काले राजीनामा दिएसँगै संसद् सचिवालयमा एक सचिवालय सचिव पद रिक्त थियो । सोही रिक्त पदमा उनी बढुवा भएका हुन । सचिवमा बढुवा भए पनि उनी प्रतिनिधिसभाअन्तर्गतको राज्यव्यवस्था तथा सुशासन समितिका सचिवको जिम्मेवारीमा थिए । कुलिङ पिरियडमा भएको चलखेलमा संलग्न रहेको आरोप लागेपछि दुराले समितिको सचिव पदमा नरहेको बताएका छन् ।दुराले आफूले हिजैदेखि नै सचिवको जिम्मेवारीमा नरहेको र भोलिदेखि आउदिन भनेर भनिसकेको प्रतिक्रिया दिएका छन् ।
बिज्ञापन
