महालेखा नियन्त्रक गणेशप्रसाद पाण्डेको अवकाशसँगै रिक्त भएको सचिव पदमा बढुवाका लागि तीन जना सहसचिवहरूको नाम सिफारिस गरिएको छ। बढुवा सिफारिस समितिले सहसचिव भूपाल बराल, डण्डुराज घिमिरे र डा. खगेन्द्रप्रसाद सुवेदीलाई सचिव पदका लागि सिफारिस गरेको हो।
बिज्ञापन
बराल वन तथा वातावरण मन्त्रालयमा कार्यरत छन् भने घिमिरे श्रम, रोजगार तथा सामाजिक सुरक्षा मन्त्रालय र सुवेदी लोक सेवा आयोगमा कार्यरत छन् ।
बिज्ञापन
तीनै जना सहसचिवहरू लामो समयदेखि प्रशासनिक सेवा, लेखा तथा योजना क्षेत्रमा कार्यरत रही योगदान पुर्याउँदै आएका छन्। अब निजामती सेवा ऐनअनुसार मन्त्रिपरिषद्ले उपयुक्त उम्मेदवारलाई सचिव पदमा नियुक्त गर्नेछ।
पूर्व महालेखा नियन्त्रक गणेशप्रसाद पाण्डेले अनिवार्य अवकाश पाएकाले सो पद रिक्त भएको थियो। महालेखा नियन्त्रकको भूमिकाले सरकारको आर्थिक अनुशासन, सार्वजनिक खर्चको निगरानी र बजेट कार्यान्वयनमा केन्द्रीय भूमिका निर्वाह गर्ने भएकाले सो पदमा योग्य र अनुभवी व्यक्तिको चयन हुनुपर्ने माग छ।
बिज्ञापन
अब मन्त्रिपरिषद्को निर्णयपश्चात् एक जनाले सचिव पद सम्हाल्नेछन्। निजामती प्रशासनमा सचिवको नियुक्ति संरचनागत स्थायित्वका लागि महत्त्वपूर्ण हुने जानकारहरूको भनाइ छ।
