बिज्ञापन

बिज्ञापन

सो बिषयमा सडक विभागका महानिर्देशक रामहरि पोखरेलले चासो देखाएर गुणस्तरविहिन काम गर्ने कर्मचारीदेखि ठेकेदारसम्मलाई ठाडो निर्देशन दिएसँगै गल्ती सच्चाएर सुधार गरी अहिले सडक निर्माणको काम अगाडि बढाइएको छ ।

रसुवा जिल्ला स्थित मूलखर्कमा निर्माण भइरहेको सडक निर्माणको क्रममा तल पानीको ताल त्यही माथि ढलान गरिएको थियो । यही वेथिती र विसंगतीलाई पत्रकार महासंघ रसुवाका अध्यक्ष केशव पौडेलले आफ्ना क्यामरामा तस्विर र भिडियो कैद गरेका थिए ।

सोही बिषयलाई लिएर कर्मचारी प्रेसले समाचार प्रकाशन गरेसँगै सडक विभागका महानिर्देशक रामहरि पोखरेलले बदमासी सच्चाएर सडक निर्माणको काम तत्काल अगाडि बढाउन ठाडो निर्देशन दिएका थिए ।

महानिर्देशक पोखरेलको ठाडो निर्देशन पछि भ्रष्ट प्रशासन, लापरवाह प्राविधिक र लोभी ठेकेदारहरु त्रुटी सच्चाएर काम गर्न थालेका हुन ।

निर्माणाधीन सडकमा प्रयोग हुने ग्रेड, गिट्टी, बालुवा र सिमेन्टको अनुपात तोकिए अनुसार नभएको भेटिएको थियो । त्यहाँ  ठेकेदारले लागत कम गर्न सिमेन्ट कम र माटो मिसिएको बालुवा प्रयोग गरेको भेटिएको थियो । यो बिषयमा
जिम्मेवार प्राविधिक कर्मचारीले आँखामा पट्टी बाँधेर बसेका थिए । ठेकेदार र कर्मचारीबीचको मिलेमतोमा सामग्रीको गुणस्तर परीक्षण समेत नगरिएको निर्माणस्थलमा ढलान गर्नुअघि उचित रूपमा प्लास्टिक वा लेबल नहालेको, रडहरूको जाली अनियमित र ढल्किएको, तथा फोहोर हिलोमाथि सिधै सिमेन्ट हालिएको भेटिएको थियो ।

प्राविधिक मापदण्डअनुसार, ढलान गर्नुअघि आधार सतह सफा, सुख्खा र सम्याइएको हुनुपर्ने भए पनि मूलखर्कमा भने पानीको ताल माथि नै ढलान गरिएको थियो ।

भ्रष्ट प्रशासन, लापरवाह प्राविधिक र लोभी ठेकेदार एकैथलोमा उभिएर बदमासी ढंगबाट भइरहेको सडक निर्माणको बिषयमा कर्मचारी प्रेसले कलम चलाएसँगै अहिले सुधार गरेर सडक निर्माणको काम अगाडि बढाइएको छ ।

मूलखर्कमा ढलानको नाममा खेलवाड : ठेकेदार र कर्मचारीको सेटिङमा गुणस्तरहीन काम