सञ्जय मिश्रा/ बारा – नेपाली कांग्रेस पार्टीका सह-महामन्त्री फरमुल्लाह मन्सुरले नेपाल तरुण दलका केन्द्रीय सदस्य महमद नौसाद आलमलाई सार्वजनिक रूपमा धक्का दिएको भिडियो भाइरल भएसँगै उनको चौतर्फी आलोचना सुरू भएको छ।
बिज्ञापन
पूर्वमन्त्री, पूर्वसांसद तथा पार्टीका बारा जिल्ला पार्टी सभापतिसमेत रहेका पाको उमेरका मन्सुरले आफ्नै भ्रातृ संगठनका केन्द्रीय सदस्यलाई सयौं मानिसको बीचमा धक्का दिएको भिडियो सामाजिक सञ्जाल फेसबुकमा भाइरल भएसँगै उनको आलोचना सुरू भएको हो।
बिज्ञापन
घटना विवरण अनुसार बुधबार बारा क्षेत्र नम्बर ३ बडहरवामा आयोजित नेपाली कांग्रेसको क्षेत्रीय सम्मेलनमा प्रमुख अतिथिको रूपमा सम्बोधन गर्न कांग्रेस महामन्त्री गगन थापा गएका थिए।
महामन्त्री थापालाई स्वागत गर्न बारा, पर्सा, रौतहटका कांग्रेस पार्टीका सयौं नेता-कार्यकर्ता बुधबार बिहानै सिमरा एयरपोर्ट पुगेका थिए। सोही क्रममा बिहान साढे ९ बजे सिमरा एयरपोर्ट पुगेका महामन्त्री गगन थापालाई नेता-कार्यकर्तासँग भेट्घाटको लागि केही समय पैदल हिँड्न सह-महामन्त्री मन्सुरले गरेको अनुरोध गरेका थिए। त्यसपछि थापा नेता-कार्यकर्ताको बीचमा पैदल हिँड्न सुरू गरेका थिए।
बिज्ञापन
सो समय नेता-कार्यकर्ताहरू महामन्त्री थापासँग फोटो खिच्न झुम्मिएका थिए। सोही क्रममा नेपाल तरुण दलका केन्द्रीय सदस्य रौतहट घर भएका महमद नौसाद आलम मन्सुरभन्दा अगाडि बढेर हिँड्दै सेल्फी खिच्न खोज्दा पछाडि परेका मन्सुरले धक्का दिएर साइड लगाएका थिए।
दर्जनौं मानिसले महामन्त्री थापाको फोटो खिचिरहेको समय सहमहामन्त्री मन्सुरले गरेको गलत कार्यको भिडियो कैयौं नेता-कार्यकर्ताको मोबाइलमा कैद भएको थियो। अहिले त्यही भिडियो सामाजिक सञ्जाल फेसबुकमा अपलोड भएसँगै मन्सुरको चौतर्फी आलोचना हुन थालेको छ।
नेपाल तरुण दल बाराका सभापति दीपेन्द्र पटेलले नेपाली कांग्रेस पार्टी नेतृत्वले घटनाको सत्य-तथ्य छानबिन गरी मन्सुरमाथि कारबाही गर्नुपर्ने माग गरेका छन्।
एउटा जिम्मेवार बयोबृद्ध नेताले गरेको यस्तो गलत कार्यमा क्षमायाचना तथा आत्मलोचना गर्नुपर्ने सभापति पटेलले बताएका छन्।
नेपाल तरुण दलका केन्द्रीय सदस्य तथा पीडित नौसाद आलमले मन्सुर ले गरेको भिडिओ भाइरल भएपछि मन्सुरका केही मानिसले फोन गरेर भिडिओ हटाउन भनेको बताएका छन्।
https://www.facebook.com/story.php?story_fbid=734331722400781&id=100074718802585&rdid=QB9tMeweR82xMdvj#
