गृह मन्त्रालयले १० कर्मचारीहरुको सरुवा गरेको छ । मन्त्रालयले सहसचिव र उपसचिवस्तरका १० कर्मचारीहरुको सरुवा गरेको हो । हालै मात्र बढुवा भएर पदस्थापन हुन बाँकी रहेका केही सहसचिवहरुलाई विभिन्न जिल्लाका प्रमुख जिल्ला अधिकारी बनाएर खटाइएको छ भने गृहले कञ्चनपुर,स्याङ्जा,अर्घाखाँची,लमजुङ र प्यूठानका प्रमुख जिल्ला अधिकारीहरु हेरफेर गरेको हो ।
बिज्ञापन
सरुवाको सूची अनुसार कञ्चनपुरमा लक्ष्मण ढकाललाई खटाइएको छ भने नारायणप्रसाद सापकोटालाई गृह फिर्ता भएका छन् ।
बिज्ञापन
त्यस्तै, स्याङ्जामा ईश्वरीप्रसाद अर्याललाई खटाउँदै त्यहाँको प्रमुख जिल्ला अधिकारी सुनिता नेपाल पनि गृहमा ल्याइएको छ । अर्घाखाँचीका प्रमुख जिल्ला अधिकारी बाबुराम अर्याललाई गृह मन्त्रालयमा तानिएको छ भने गृह मन्त्रालयका वेद प्रसाद खरेललाई पठाइएको छ । गृहले लमजुङका प्रमुख जिल्ला अधिकारी बुद्ध बहादुर गुरुङको ठाउँमा माधव प्रसाद पोखरेललाई खटाएको छ ।
यस्तै प्युठानबाट रमा आचार्यलाई गृहमा फिर्ता बोलाएर सहसचिव दिपकराज नेपाललाई त्यहाँ खटाइएको छ ।
