खानेपानी मन्त्रालयमा भएको आगलागीले पुर्याएको क्षतिबारे मूल्याङ्कन गर्न तीन सदस्यीय समिति गठन भएको छ ।
सरकारले आगलागीको क्षतिबारे मूल्यांकन गर्न सहरी विकास मन्त्रालयले सिनियर डिभिजन इन्जिनियर गणेश कर्माचार्यको संयोजकत्वमा संघीय सचिवालय निर्माण तथा व्यवस्थापन कार्यालयका इन्जिनियर गणेश पाण्डे र खानेपानी मन्त्रालयका एक जना उपसचिव रहने गरी तीन सदस्यीय छानबिन समिति बनेको छ ।
बिज्ञापन
बिज्ञापन
समितिलाई घटनाको क्षति मूल्याङ्कन गर्नुका साथैं सिंहदरबार परिसरमा भविष्यमा यस्ता घटना दोहोरिन नदिन र त्यसको पूर्व तयारीका उपाय सुझाउन कार्यादेश दिइएको छ ।
शनिवार बिहान ८ बजेर ४० मिनेटमा उक्त मन्त्रालयमा आगलागी भएको थियो र ९ बजेर १५ मिनेट जाँदा आगो निभाइएको जनाइएको छ । आगलागीबाट खानेपानीमन्त्री यादवको कार्यकक्षमा पूर्ण रूपमा क्षति पुगेको छ । साथै सो तलामा रहेको तीन वटा कोठामा क्षती पुगेको छ ।
बिज्ञापन
मन्त्रीको कार्यकक्षमा रहेका दुईवटा टेलिभिजन, एउटा कम्प्युटर, डेस्कटप, पानी तताउने मेसिन, टेबल, सोफा, कुर्सीहरू, कार्पेट, सीसी क्यामेराको मनिटर लगायतका सामग्री जल्दा ४० लाख बढीको क्षती भएको प्रारम्भिक आँकलन गरिएको छ । 
तस्वीर सौजन्य : रमाकान्त दवाडी
