उत्तरगया गाउँपालिकाले आफ्नो प्रतीक चिह्न (लोगो) बनाउनेलाई रु ५० हजार दिने भएको छ ।
बिज्ञापन
पालिकाले एक सूचना जारी गर्दै भूगोल,जनजीवन,ऐतिहासिक,प्राकृतिक,आर्थिक,सामाजिक,सांष्कृतिक एंव अन्य विशिष्ठ पहिचान पहिचान झल्किने गरी लोगो निर्माण गर्न इच्छुक व्यक्तिका लागि सार्वजनिकरूपमा आह्वान गरेको हो ।
बिज्ञापन
लोगो निर्माण उत्तरगया गाउँपालिकाको झण्डा र नेपालको झण्डा अनिवार्य हुनुपर्ने लोगोले गाउँपालिकाको सामाजिक,सांष्कृतिक,धार्मिक,ऐतिहासिक,पर्यटकीय विशिष्ठता झल्कनुपर्ने,कुनै पनि जातीय विभेद, साम्प्रदायिकता, सार्वभौमिकता, राष्ट्रिय एकता र अखण्डतामा आँच आउने सङ्केत प्रयोग गर्न नपाइने उल्लेख गरिएको छ ।
प्रतीक चिन्ह मौलिक हुनुपर्ने पालिकाले जनाएको छ । पालिकाको प्रमुख प्रशासकीय अधिकृत दीपक अधिकारीका अनुसार, सूचना प्रकाशित भएको मितिले १५ दिनभित्र लोगो बनाएर खामबन्दीमार्फत कार्यपालिकाको कार्यालयमा पठाउनु पर्नेछ ।
बिज्ञापन
छनोट समितिले उत्कृष्ट लोगो छनोट गर्ने र छनोटमा परेका डिजाइनकर्तालाई एक कार्यक्रम गरी सम्मान गरिने सूचनामा उल्लेख छ ।
