काठमाडौंका पूर्वमेयर पीएल सिंहको निधन भएको छ । उनको निधनमा काठमाडौं महानगरपालिकाले आज सार्वजनिक बिदा दिएको छ ।
बिज्ञापन
पूर्वमन्त्रीसमेत रहेका सिंहको ठमेल चाक्सीबारीस्थित उपप्रधानमन्त्री प्रकाशमान सिंहको निवासमा गएराति १ बजे निधन भएको हो । ८८ बर्षे सिंह पछिल्लो समय गणेशमान सिंहका छोरा एवम् वर्तमान उपप्रधानमन्त्री तथा शहरी विकास मन्त्री प्रकाशमान सिंहको निवासमा बस्दै आएका थिए ।
बिज्ञापन
२०४९ सालमा तत्कालीन काठमाडौं नगरपालिकाको मेयर निर्वाचित भएका सिंहकै पहलमा काठमाडौं नगरपालिकालाई २०५२ साल मंसिर २९ गते महानगरपालिका घोषणा गरिएको थियो ।
पूर्वमेयर पीएल सिंहको निधनको शोकमा काठमाडौं महानगरपालिकाले आज शोक बिदा दिएको छ । काठमाडौं महानगरपालिका र मातहतका कार्यालयहरुमा अत्यावश्यक बाहेकका सबै सेवा बन्द हुने गरी आज शोक बिदा दिइएको हो ।
बिज्ञापन
