न्याय सेवा आयोगले एकै पटक ठूलो संख्यामा कर्मचारी सरुवा गरेको छ । आज बसेको परिषद्को बैठकले २ सचिव,७ सहसचिव, ७८ उपसचिव तहका र २८८ अधिकृत गरी ३७५ कर्मचारीको सरुवा गरेको हो । प्रधानन्यायाधीश प्रकाशमानसिंह राउतको अध्यक्षतामा शुक्रबार बसेको आयोगको बैठकले सत्य निरुपण तथा मेलमिलाप आयोगका सचिव आलोकचन्द्र श्रेष्ठ नेपाल कानुन आयोगमा सरुवाका लागि सिफारिस गरेको छ भने कानुन आयोगका सचिव पाराश्वर ढुंगानालाई सत्य निरुपण तथा मेलमिलाप आयोगमा पठाउन सिफारिस गरेको छ ।

बिज्ञापन

यस्तै बैठकले उच्च अदालत पाटनका रजिष्ट्रार मानबहादुर कार्कीलाई सर्वाेच्च अदालतको सह रजिष्ट्रारका रुपमा सरुवा गरेको छ भने उच्च अदालत तुल्सीपुरबाट खङ्गराज अधिकारीलाई उच्च अदालत पोखरा,उच्च अदालत पोखराका रजिष्ट्रार अच्युत कुँइकेललाई सर्वाेच्चमा ल्याइएको छ भने प्रशासकीय अदालतका रजिष्टर गजेन्द्रबहादुर सिंहलाई फैसला कार्यन्वयन निर्देशनालयको महानिर्देशकको जिम्मेवारी दिएर खटाइएको छ । उच्च अदालत तुल्सीपुर,नेपालगञ्ज इजलाशमा कार्यरत रामप्रसाद भट्टराई प्रशासकीय अदालत सिंहदरबार आइपुगेका छन् ।