राहदानी विभागको कम्युटरमा भाइरस प्रवेश गरेको निष्कर्ष निकालिएको छ । गत शुक्रबारदेखि राहदानी विभागको सेवा पूर्ण रूपमा अवरुद्ध हुन पुगेको छ । विभागले राहदानी आवेदन प्रणालीसँग सम्बन्धित केही कम्प्युटरमा भाइरस प्रवेश गरेको कारण सेवा अवरुद्ध हुन पुगेको प्रारम्भिक निष्कर्ष निकालेको छ ।
बिज्ञापन
विभागद्धारा जारी विज्ञप्तिमा भनिएको छ,राहदानी आवेदन प्रणालीसँग सम्बन्धित केही कम्प्युटरहरूमा भाइरस प्रवेश गरेकाले यसको फैलावट रोक्न पर्याप्त सतर्कता अपनाउनु पर्ने भएकोले जिल्ला,ईलाका प्रशासन कार्यालय तथा विदेशस्थित नियोगहरूको राहदानी सेवा बन्द गर्नु परेको जनाएको छ ।
बिज्ञापन
विभागले एक सूचनामार्फत उक्त स्थानहरूमा सेवा क्रमशः कार्य प्रारम्भ हुँदै जाने गरी व्यवस्था मिलाइएको र पूर्ण रूपमा कार्य प्रारम्भ हुन १–२ हप्तासम्म लाग्न सक्ने जनाएको छ ।
बिज्ञापन
