नेपाल धितोपत्र बोर्डको अध्यक्ष पदका लागि अन्तर्वार्ता दिन दुई जनामात्र सिंहदरबार पुगेका छन् । अन्तर्वार्ताका लागि तीनेपाल स्टक एक्सचेन्जका प्रमुख कार्यकारी अधिकृत कृष्ण बहादुर कार्की र नेपाल धितोपत्र बोर्डका कार्यकारी निर्देशक डा नबराज अधिकारी र चिरञ्जीवी चापागाईँलाई डाकिएको भए पनि अन्र्तवार्तामा सहभागी हुन अधिकारी र कार्की मात्र पुगेका हुन ।

यसअघिको प्रक्रियामा सहभागी नभएका तीनजना उम्मेदवारको आज अन्तर्वार्ताका लागि बोलाइएको थियो । अघिल्लो पटक लागि बोलाउँदा छनोट सिफारिस समितिका संयोजक तथा राष्ट्रिय योजना आयोगमा उपाध्यक्ष शिवराज अधिकारी अचानक बिरामी भएपछि अन्तरवार्ता स्थगित भएको थियो । सो अन्तरवार्तामा पनि चापागाईँ सहभागी भएका थिएनन् ।