विभिन्न मन्त्रालय र विभागमा कार्यरत २६ कर्मचारी दक्षिणी छिमेकी मुलुक भारत पुगेका छन् । १० दिनेसम्म चल्ने कायक्रममा भाग लिन परराष्ट्र मन्त्रालय, अर्थ मन्त्रालय, उद्योग, वाणिज्य तथा आपूर्ति मन्त्रालय, कानून, न्याय तथा संसदीय मामिला मन्त्रालय, सङ्घीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय, शहरी विकास मन्त्रालय, कृषि तथा पशुपन्छी विकास मन्त्रालय, भौतिक पूर्वाधार तथा यातायात मन्त्रालय तथा रेल विभागका कर्मचारीहरु त्यता प्रस्थान गरेका हुन ।
बिज्ञापन
५ मंसिरबाट १५ मंसिरसम्म चल्ने प्रशिक्षण कार्यक्रममा भाग लिन उनीहरु त्यता प्रस्थान गरेका हुन ।
बिज्ञापन
प्रशिक्षण नयाँ दिल्लीस्थित भारतको विदेश मन्त्रालयको सुष्मा स्वराज विदेश सेवा संस्थानमा हुने जनाइएको छ । प्रशिक्षणमा वैश्विक राजनीतिक तथा आर्थिक सान्दर्भिकता, व्यापार तथा कनेक्टिभिटी, जलवायु परिवर्तन तथा मानवीय सहायता, विकास साझेदारी, साझा संस्कृति र सम्पदा विषयमा मोड्युलहरु राखिनुका साथै नयाँ दिल्ली बाहिरका पर्यटकीय तथा ऐतिहासिक दृष्टिकोणले महत्वपूर्ण शहर र ठाउँको भ्रमण समावेश छन् ।
