अख्तियार दुरुपयोग अनुसन्धान आयोगले सिनामंगलस्थित नेपाल नागरिक उड्डयन प्राधिकरणको कार्यालयमा छापा मारेको छ । अख्तियारको टोलीले छापा कागजातहरु बरामद गरेको छ ।
बिज्ञापन
त्रिभुवन अन्तराष्ट्रिय विमानस्थल अगाडिको क्यानको नयाँ भवन निर्माणमा अनियमितता भएको आशंकामा अख्तियारको टोलीले केहीबेरअघि छापा मारेर कागजपत्र बरामद गरेको हो ।
अख्तियार दुरुपयोग अनुसन्धान स्रोतका अनुसार त्यहाँ भवन निर्माणको क्रममा अर्बाै भ्रष्टाचार भएको उजुरी पछि अख्तियारले अनुसन्धानको सिलसिलामा कागजात माग गरेको थियो तर प्राधिकरणले माग गरिएका कागजात उपलव्ध नगराएपछि अख्तियारको टोलीले कार्यालयमा पुगेर छापा मारेर कागजात बरामद गरेको हो ।
बिज्ञापन
चार अर्ब लगानीमा बनेको उक्त भवन निर्माणमा १ अर्ब बढी भ्रष्टाचार भएको आरोप छ । यस अघि नै क्यानका डिजी प्रदीप अधिकारीमाथि पोखरा विमानस्थल बनाउँदा पनि अर्बौं घोटाला गरेको आरोप छ । त्यस सम्बन्धमा पटक पटक महानिर्देशक प्रदीप अधिकारीले अख्तियारमा पुगेर बयान दिएका छन ।
