प्रदेश सुशासन केन्द्र, जावलाखेल, ललितपुरले स्थानीय तहमा कार्यरत स्थानीय सेवाका अधिकृतस्तर सातौँ आठौँ प्राविधिक अप्राविधिकतहका कर्मचारीहरुका लागि सेवाकालीन तालिम शुभारम्भ गरेको छ ।
बिज्ञापन
बागमती प्रदेशका ११९ विभिन्न स्थानीय तहका कर्मचारीका लागि पहिलो चरणको सेवाकालीन तालिम आईतबार भदौ ९ बाट सुरु गरिएको हो । यस सेवाकालीन तालिम शुभारम्भ कार्यक्रममा बागमती प्रदेश सरकारका मुख्यमन्त्री श्री बहादुर सिंह लामा (तामाङ) प्रमुख अतिथि र मुख्यमन्त्री तथा मन्त्रिपरिषद् कार्यालयका सचिवद्वय श्री श्रवण कुमार पोखरेल र कृष्ण कुमार कार्कीको विशेष अतिथिको रुपमा समुपस्थिति रहेको थियो ।
बिज्ञापन
स्थानीय सेवाको विभिन्न सेवा समूहका पदमा रहेर सेवारत कर्मचारीहरुको वृत्ति विकासमा यस तालिमको महत्वपूर्ण भूमिका रहेको र बागमती प्रदेश सरकारले लिएको सुशासन, विकास र सेवा प्रवाहको लक्ष्य हासिल गर्न यस्ता क्षमता कार्यक्रम केन्द्रित हुनुपर्ने धारणा मुख्यमन्त्री लामाले राख्नुभयो ।
साथै, मुख्यमन्त्री कार्यालयका प्रदेश सचिव पोखरेलले कर्मचारीमा मनोबल, सकारात्मक सोंच र कार्यदक्षता अभिवृद्धि हुने गरि तालिम संचालन गर्न लागिएकोले सोही अनुरुप तालिममा सहभागी हुन निर्देशन समेत दिनुभयो । शुभारम्भ कार्यक्रमको अध्यक्षता गर्नुभएका केन्द्रका कार्यकारी निर्देशक श्री गोपाल कृष्ण न्यौपानेले स्थानीय तहको सेवा प्रवाहमा सुधार, सुशासन प्रवर्द्धन र असल अभ्यासको संस्थागत विकास गर्न यस तालिम सहयोगी हुने बताउनुभयो ।
बिज्ञापन
