वैकल्पिक ऊर्जा प्रवर्द्धन केन्द्रले झण्डै दुई दर्जन कर्मचारी करार सेवाबाट पदपूर्ति गर्ने भएको छ । केन्द्रले इन्जिनियरदेखि कम्प्युटर अपरेटर तहका विभिन्न चार पदमा जम्मा २५ जना जनशक्ति माग गरेको छ ।

बिज्ञापन

जस अनुसार सातौं तहको इन्जिनियर पदमा १८ जना माग गरिएको छ। यस पदमा आवेदन दिन मान्यता प्राप्त शिक्षण संस्थाबाट वातावरण, सिभिल, मेकानिकल, इलेक्ट्रिकल, इलेक्ट्रोनिक्स तथा कम्युनिकेसन वा कृषि इन्जिनियरिङमध्ये कुनै एक विषयमा कम्तीमा स्नातक तह उत्तीर्ण गरेको प्रावधान राखिएको छ । यस्तै छैंटौं तहको प्रशासकीय अधिकृत पदमा दुई जना माग गरिएको छ । केन्द्रको प्रशासकीय अधिकृत हुनका लागि स्नातक तह उत्तीर्ण गरेको शैक्षिक योग्यता तोकिएको छ।