बिज्ञापन

बिज्ञापन

यस अघि ४ हजार ४ सय ८२ कर्मचारी कायम रहेकोमा १२९ दरबन्दी थप भइ ४ हजार ६ सय ११ दरबन्दी कायम हुने भएको छ । गृहले १० सहसचिव तहका कर्मचारीको दरबन्दी कटौती गर्दा ६ उपसचिव, ४६ शाखा अधिकृत सहित ९५ नयाँ दरबन्दी गृहमा थपेको हो । कूल १२९ दरबन्दी थप भएकोमा समरजंग कम्पनी समेत वनबाट गृहमातहतबाट ल्याइएको छ । यस अघि यो कम्पनी वन मन्त्रालय मातहत सुब्बा तहका कर्मचारीले हेर्दै आएका थिए अब गृह मातहत इकाइको रुपमा रहनेछ । त्यहाँ रहेका ३४ जनाको दरबन्दी समेत गृहमा जोडिएको हो ।

यस अघि मन्त्रालय मातहत रहेको जुद्ध वारूण यन्त्र कार्यालयलाई गृहले हेरिरहँदा अलि अस्वभाविक रहेकोमा नगरपालिकालाइ आफैं मातहत राख्न आग्रह गर्दा अस्वीकार गरे पछि त्यसलाई अब भक्तपुरलाई जिल्ला प्रशासन कार्यालय मातहत राखिएको छ । यस्का अलवा नयाँ ओएनएम अनुसार,९ सहसचिवको दरबन्दी कटौती भएको छ । यस अघि ६१ जिल्लामा सहसचिव प्रमुख जिल्ला अधिकारी प्रमुख जिल्ला अधिकारी रहँदै आएकोमा अब ५२ जिल्लाको प्रशासनिक कमाण्ड सहसचिवले,यस अघि १६ जिल्ला उपसचिव प्रमुख जिल्ला अधिकारी रहँदै आएकोमा अब ९ जिल्ला थपिएर २५ जिल्लामा उपसचिव प्रमुख जिल्ला अधिकारी रहनेछन् । यस्का अलवा स्याङजाको वालिङ, महोत्तरीको बर्दिबास ईलाका प्रशासन कार्यालय प्रमुखमा , झापा, मोरङ, कास्की र बाँकेको कारागारमा उपसचिवको दरबन्दी थपिएको छ ।