स्वास्थ्य सेवा विभागले प्रधानमन्त्री तथा मन्त्रिपरिषद्को कार्यालयको निर्देशन लत्याइरहेको पाइएको छ । अहिले सो विभागमा निमित्त महानिर्देशक छन्,डा अनुज भट्टचन । उमेर हदका गत असार ५ मा डा केशर ढकाल निवृत्त भएसँगै बिभागको निमित्त हेर्ने जिम्मेवारी पाएका हुन डा भट्टचनले । जन स्वास्थ्यका कतिपय बिषयमा सिधै ठोक्किने सो कार्यालय कतिसम्म गैरजिम्मेवार रहेको पाइएको छ भने, प्रधानमन्त्री तथा मन्त्रिपरिषद्को कार्यालयले दिएको निर्देशन समेत अवज्ञा गरिरहेको पाइएको छ ।
बिज्ञापन
प्रधानमन्त्री कार्यालयले देशभरका सबै सार्वजनिक निकायलाई आफ्ना कर्मचारीको विवरण अद्यावधिक गर्न र नागरिकका गुनासो तत्काल सम्बोधन गर्न निर्देशन दिएको महिनौं भइसकेको छ । सरकारी कार्यालयका टेलिफोन नउठ्ने र वेबसाइटमा राखिएका सूचना पुरानो भएको व्यापक गुनासो आएपछि प्रधानमन्त्री कार्यालयले सबै मन्त्रालय, आयोग, सचिवालय, सातै प्रदेशका मुख्यमन्त्री तथा मन्त्रिपरिषद्को कार्यालय र सबै स्थानीय तहलाई परिपत्र गर्दै विवरण अद्यावधिक गर्न भनेको थियो,प्रवक्ता तथा सहप्रवक्ताहरुको टेलिफोन नम्बर नै राख्न निर्देशन दिएको भए पनि सो निर्देशन विभागले लत्याइहरेको छ । प्रश्न उठ्छ, प्रधानमन्त्री कार्यालयको निर्देशन अटेर गर्ने सो कार्यालयले अरुको निर्देशन के टेर्ला ?
बिज्ञापन
सरकारी निकाय राष्ट्रिय सूचना आयोगले,सरकारी निकायले प्रवक्ता,सूचना अधिकारी तोक्नुपर्ने र तिनका गतिविधि तथा जानकारी चाहिएको खण्डमा तिनैमार्फत सार्वजनिक हुनुपर्ने नीति अख्तियार गरेको छ । तर दूरदराजका सरकारी निकाय होइनन् कि सिंहदरबार नजिकै रहेको सरकारी मन्त्रालयको वेब साइडबाटै सूचना अधिकारी र प्रवक्ताको सम्पर्क नम्बर गायब बनाइएको हो । सो कार्यालयले सूचना अधिकारीका रुपमा मोहन प्रसाद कोइरालालाई जिम्मेवारी दिएको छ तर त्यहाँ उनको व्यक्तिगत तथा सरकारी टेलिफोन नम्बर नभइ कार्यालयको ल्याण्ड नम्बरमात्र राखिएको छ । उनी तिनै कर्मचारी हुन,यस अघि बैदेशिक रोजगार, यातायत,त्रिवि अध्यागमन हुँदै स्वास्थ्यमा पुगेका हुन ।
सयौंका संख्याका करारका कर्मचारीहरुको करार नवीकरण गर्न नमानेका यहाँका यिनै कर्मचारीहरुले आफू निकटका कर्मचारीहरु छानी छानी करार नवीकरण गरेको बिषय समेत अहिले कर्मचारीहरुले उठाइरहेका छन् ।
उसो त निमित्त महानिर्देशक डा भट्टचनको निर्णय क्षमताको अभावकै कारण बजारमा सर्पदंशदेखि गर्भवती आमालाई चाहिने फोलिक एसिड तथा इम्प्लान्ट खरिद हुन नसकेको बिषय उठिरहेको छ । उनै डा भट्टचनले कमाण्ड सम्हाल्न थालेको डेढ महिना दिन पुग्यो तर सिंहदरबारबाट जारी भएको परिपत्र केही किमी पर रहेको सो कार्यालयले आजसम्म कार्यान्वयन गरेको छैन ।
