सञ्चार सचिव डा कमल प्रसाद पोखरेलले राजीनामा दिएका छन् । जागिर अवधि अझैं बर्ष दिन बाँकी रहेका उनले बर्ष दिन अगावै जागिरबाट राजीनामा दिएका हुन । सञ्चार मन्त्रालयमा सरुवा भएको साता दिनमै उनले राजीनामा दिएर सेवाबाट बाहिरिएका छन् । सरकारले साउन दोश्रो साता सञ्चार सचिव लक्ष्मी बस्नेतलाई तथ्यांक कार्यालयमा पठाएर त्यहाँ पोखरेललाई लगेको थियो तर सञ्चारमा सरुवा भएको साता दिनमै सचिव पोखरेलले अवकाशको बाटो रोजेका हुन ।

बिज्ञापन

सञ्चार सचिव पोखरेल त्यसअघि शिक्षा मन्त्रालयमा सहसचिवको रूपमा रहँदै सुदूरपश्चिम प्रदेशको मुख्यमन्त्री तथा मन्त्रिपरिषद्को कार्यालयमा प्रमुख सचिव थिए । झण्डै १३ महिना सुदूरपश्चिम प्रदेशको प्रमुख सचिवको भूमिकामा काम गरेर आएका पोखरेल केही समय राष्ट्रिय तथ्यांक कार्यालयको प्रमुखको जिम्मेवारीमा थिए । जागिर अवधि अझैं १३ महिना बाँकी रहेका उनी सञ्चार मन्त्रालयमा सरुवा भएको साता दिनमै राजीनामा दिएर बाहिरिएका हुन ।