लोकसेवा आयोगले एक जना उमेद्धारलाई योग्यताक्रमबाट हटाएर उनको ठाउँमा वैकल्पिक उमेद्धारलाई सिफारिस गरेको छ । आयोगका अनुसार, परराष्ट्र मन्त्रालयमा सिफारिस भएका नायव सुब्बा पदका उम्मेदवार रोनाल्डो श्याम श्रेष्ठले राजीनामा दिएपछि सो पदमा वैकल्पिक उम्मेदवार रेजिना श्रेष्ठको भाग्य चम्किएको हो ।
बिज्ञापन
आयोगको सूचना अनुसार, विज्ञापन नम्बर ११९०३-०८१ /८२ तर्फ नेपाल परराष्ट्र सेवा, राजपत्र अनकिंत प्रथम श्रेणी (अप्राविधिक), नायव सुब्बा वा सो सरह पदका लागि गत बर्ष माघ ५ मा सिफारिस योग्यताक्रमको तेस्रो नम्बरमा काठमाडौं २९ का रोनाल्डो श्याम श्रेष्ठ स्थायी नियुक्तिका लागि सिफारिस भएका थिए ।
बिज्ञापन
तर उनले राजीनामा दिएसँगै आयोगको आजै बसेको बैठकले सोही सूचना अनुसार वैकल्पिकको पहिलो नम्बरमा परेकी रेजिना श्रेष्ठलाई स्थायी नियुक्तिका लागि सिफारिस गरेको आयोगले सूचनामार्फत जनाएको छ ।
