बिज्ञापन

बिज्ञापन

कार्यक्रममा पूर्वाधार विकास मन्त्रालयका सहसचिव तथा राष्ट्रिय सडक सुरक्षा परिषद्का सदस्य सचिव कृष्णराज पन्थ विशिष्ट अतिथिका रूपमा उपस्थित हुनुहुन्थ्यो। त्यसैगरी राष्ट्रिय सडक सुरक्षा परिषद्का सल्लाहकार सरोज प्रधान, सशस्त्र प्रहरी बल नेपाल नं. ९ पशुपतिनाथ बाहिनीका गणपति सशस्त्र प्रहरी उपरीक्षक जीवन के.सी. लगायत विभिन्न निकायका प्रतिनिधिहरूको सहभागिता रहेको थियो।

तालिममा सशस्त्र प्रहरी बलका ८ जना कर्मचारी र १६ जना सर्वसाधारण गरी कुल २४ जना प्रशिक्षार्थी सहभागी भएका थिए। सडक दुर्घटना तथा अन्य आकस्मिक घटनाका समयमा प्रारम्भिक उद्धार, घाइतेको सुरक्षित व्यवस्थापन, प्राथमिक उपचार तथा उद्धार समन्वयसम्बन्धी विषयमा सहभागीहरूलाई सैद्धान्तिक तथा व्यावहारिक प्रशिक्षण प्रदान गरिएको आयोजकले जनाएको छ।

समापन समारोहमा प्रमुख अतिथि पौडेलले दुर्घटना तथा विपद्का घटनामा प्रारम्भिक उद्धारकर्ताको भूमिका अत्यन्त महत्वपूर्ण हुने उल्लेख गर्दै तालिमबाट प्राप्त ज्ञान र सीपलाई व्यवहारमा उतार्न सहभागीहरूलाई आग्रह गर्नुभयो। उहाँले यस्ता तालिमले समुदायस्तरमा उद्धार तथा राहत क्षमतालाई थप सुदृढ बनाउन सहयोग पुग्ने विश्वास व्यक्त गर्नुभयो।

कार्यक्रममा विशिष्ट अतिथि कृष्णराज पन्थले सडक सुरक्षा प्रवर्द्धन तथा दुर्घटनापछिको उद्धार प्रणालीलाई प्रभावकारी बनाउन प्रशिक्षक उत्पादन गर्ने उद्देश्यले तालिम सञ्चालन गरिएको बताउनुभयो। प्रशिक्षित जनशक्तिले आगामी दिनमा समुदाय तथा विभिन्न संस्थामा सडक सुरक्षा र प्राथमिक उद्धारसम्बन्धी ज्ञान विस्तार गर्न महत्वपूर्ण भूमिका खेल्ने उहाँको भनाइ थियो।

करिब ८० देखि ९० जनाको उपस्थितिमा सम्पन्न कार्यक्रममा तालिम सफलतापूर्वक पूरा गरेका प्रशिक्षार्थीहरूलाई प्रमाणपत्रसमेत वितरण गरिएको थियो। आयोजकका अनुसार सडक दुर्घटनाबाट हुने मानवीय क्षति न्यूनीकरण तथा उद्धार क्षमताको विकास गर्ने उद्देश्यले यस्ता तालिमहरू आगामी दिनमा पनि निरन्तर सञ्चालन गरिनेछ।