सरकारले आठ जना सहसचिवको सरुवा गरेको छ । सोमबार बसेको मन्त्रिपरिषद् बैठकले हालैमात्र कार्यक्षमता आधारमा बढुवा भएका कर्मचारीहरुलाई पदस्थापन गरेको हो ।सरकारले प्रशासनतर्फका तीन र प्राविधिक पाँच गरी आठ जना सहसचिवको सरुवा तथा पदस्थापन गरेको हो । जस अनुसार २ सहसचिवलाई गृह,१ लाई स्थानीय तह र पाँच सहसचिवलाई शहरी मन्त्रालयमा खटाइएको छ ।

बिज्ञापन

सरुवा सूची अनुसार,महेन्द्रकुमार सापकोटा र शम्भु प्रसाद रेग्मीलाई गृह मन्त्रालयमा सरुवा गरिएको छ । गृहले यस अघि नै प्रमुख जिल्ला अधिकारीको रुपमा खटाइसकेको छ सापकोटा र रेग्मीलाई । उनीहरु सहसचिवमा बढुवा सिफारिस हुँदैमा गृहले सापकोटालाई सल्यान र रेग्मी नुवाकोटका प्रमुख जिल्ला अधिकारी रहेका छन् । उनीहरु कार्यक्षमता मूल्याकंनका आधारमा उपसचिवबाट सहसचिव बढुवा सिफारिस भएका ३५ दिन पूरा भएलगतै संघीय मामिला तथा सामान्य प्रशासनको अतिरिक्त समूहमा रहेकोमा सम्बन्धित जिल्लामै रहने गरी गृहमा सारिएको छ । यस्तै विगतमा उपसचिव हुँदा यौनकाण्ड लागेर सामान्यको बरण्डा हुँदै मालपोतमा तर मारेका डमरु प्रसाद निरौला कार्यक्षमताका आधारमा बढुवा भए सँगै जितपुर सिमरा उपमहानगरपालिकाको प्रमुख प्रशासकीय अधिकृतका जिम्मेवारी पाएका छन् ।