गृह मन्त्रालयले आठ जना उपसचिवहरुको सरुवा गरेको छ । मन्त्रालयले ४ जना उपसचिवहरुलाई पदस्थापन गरेको छ भने बाँकी चार जनाको सरुवा गरेको छ ।
यसरी सरुवा हुँदा दुई प्रमुख जिल्ला अधिकारी हेरफेर भएका छन् । सरुवाको सूची अनुसार, गृहको उपसचिव जुनु हमाल ढकाललाई जिल्ला प्रशासन कार्यालय, डोल्पामा प्रमुख जिल्ला अधिकारीका रूपमा पदस्थापन गरिएको छ। यस्तै, राष्ट्रिय परिचयपत्र तथा पञ्जीकरण विभागका मुकेश कुमार केशरीलाई जिल्ला प्रशासन कार्यालय, बझाङमा प्रमुख जिल्ला अधिकारीको जिम्मेवारी दिइएको छ।

बिज्ञापन

जिल्ला प्रशासन कार्यालय, डोल्पाका प्रमुख जिल्ला अधिकारी भीमराज कोइरालालाई जिल्ला प्रशासन कार्यालय, पाँचथरमा सहायक प्रमुख जिल्ला अधिकारीको जिम्मेवारी दिँइदा जिल्ला प्रशासन कार्यालय, बझाङका प्रमुख जिल्ला अधिकारी कैलाश बहादुर ठकुराठीलाई जिल्ला प्रशासन कार्यालय दैलेखको सहायकको जिम्मेवारी सम्हाल्न पुगेका छन् ।