संघीय मामिला तथा सामान्य प्रशासन मन्त्रालयले १४ जना उपसचिवको सरुवा गरेको छ ।
बिज्ञापन
मन्त्रालयले राष्ट्रिय तथ्यांक कार्यालयमा कार्यरत कमला पौडेललाई प्रधानमन्त्री तथा मन्त्रिपरिषद् कार्यालय, उद्योगबाट जुनु हमाल ढकाललाई गृह मन्त्रालय,परराष्ट्रबाट दुर्गा भुसाललाई उद्योग मन्त्रालय,प्रधानमन्त्री कार्यालयबाट कला कुमारी गैह्रेलाई सामान्यको अतिरिक्त समूह,सामान्यको बरण्डामा रहेका बासुदेव खनाललाई प्रधानमन्त्री तथा मन्त्रिपरिषद्को कार्यालयमा पठाइएको छ ।
बिज्ञापन
यस्तै,सामान्यको अतिरिक्त समूहमा रहेका प्रकाश देवकोटालाई स्वास्थ्य तथा जनसंख्या मन्त्रालयमा सरुवा गरिएको छ भने गल्याङ नगरपालिका स्याङ्जाबाट भविश्वर घिमिरे गृहमा भित्रिएका छन् । सरुवाको सूची अनुसार,प्रविण ढकाललाई मुख्यमन्त्री तथा मन्त्रिपरिषद्को कार्यालय गण्डकीबाट जिसस स्याङ्जा,सामान्यको अतिरिक्त समूहमा रहेका माधव घिमिरेलाई जिसस संखुवासभा,अशोक कुमार भट्टराईलाई जिसस भोजपुरमा खटाइएको छ । घिमिरे भक्तपुर मालपोत र भट्टराई ललितपुर मालपोतबाट हालैमात्र सामान्यमा तानिएका हुन । भूमि मन्त्रीले नै उनीहरुलाई दुर्गममा पठाउन निर्देशन दिए अनुसार जिससतिर लखेटिएका छन् । यी दुबै भाइ सरुवा वदरको माग राखेर हालै प्रशासकीय अदालत पुगेका छन् ।
यस्तै,बहुदरमाइ नगरपालिकाबाट सिकिन्द्र साह सामान्यको अतिरिक्त समूहमा तानिएका छन् भने वराहक्षेत्र नगरपालिकाबाट मनोज ठाकुर जिसस सुनसरी,सिद्धिचरण नगरपालिकाबाट किसान न्यौपाने लोकसेवा आयोग,गुजारा नगरपालिकाबाट शान्ति विक सरुवा भएर मुख्यमन्त्री तथा मन्त्रिपरिषद्को कार्यालय बागमती प्रदेशमा सरुवा गरिएको छ ।
बिज्ञापन
