सरकारले सात सचिवहरुको सरुवा गरेको छ । गत ११ पुसमा  बसेको मन्त्रिपरिषद्को बैठकले गृहसचिव सात सचिवहरुको सरुवा गरेको हो ।
जस अनुसार,गृह सचिव रामेश्वर दंगाललाई लोक सेवा आयोगमा पठाइएको छ भने प्रधानमन्त्री तथा मन्त्रिपरिषद् कार्यालयका सचिव राजकुमार श्रेष्ठलाई गृह मन्त्रालयमा खटाइएको छ । सिडियोहरु सरुवा गर्दा एमाले र भक्तपुरका सहसचिवहरुलाई छानी छानी महत्वपूर्ण जिल्लामा खटाएका कारण आलोचित हुँदै आएका दंगाललाई लोकसेवा आयोगमा पठाइएको हो । विद्यालय निरीक्षकबाट उपसचिव र सहसचिव हुँदै सचिव हुने राजकुमार श्रेष्ठ कर्णाली प्रदेशको प्रमुख सचिव, लोक सेवा आयोगको सचिव हुँदै प्रधानमन्त्री तथा मन्त्रिपरिषद्को कार्यालयबाट गृहमा पुगेका छन् । उनी ०७८ भदौमा सचिवमा बढुवा भएका थिए ।

बिज्ञापन

श्रम, रोजगार तथा सामाजिक सुरक्षा सचिव डा कृष्णहरी पुष्करलाई उपराष्ट्रपतिको कार्यालयमा खटाएर त्यहाँ राष्ट्रपति कार्यालयका सचिव दिपक काफ्लेलाई ल्याइएको छ । लोक सेवा आयोगका सचिव किरणराज शर्मालाई प्रधानमन्त्री तथा मन्त्रिपरिषद् कार्यालयमा ल्याइएको छ।