गृह मन्त्रालयले थप दुई जना उपसचिवहरुको सरुवा गरेको छ । मन्त्रालयले बन्दना राईलाई जिल्ला प्रशासन कार्यालय तेह्रथुमा खटाएर त्यहाँका प्रमुख जिल्ला अधिकारी रहेका प्रकाशचन्द्र अधिकारीलाई गृह मन्त्रालयमा फिर्ता बोलाएको छ ।
बिज्ञापन
यस अघि गृहले १२ सहसचिव तथा एक उपसचिवको सरुवा तथा पदस्थापन गरेको थियो । सरुवामा १२ जिल्लामा नयाँ सिडिओ खटाएको छ। त्यस्तै, कारागार व्यवस्थापन विभागको महानिर्देशकमा सहसचिव शशीधर घिमिरेलाई खटाइएको छ। घिमिरे नुवाकोटका प्रमुख जिल्ला अधिकारीको भूमिकामा थिए ।
बिज्ञापन
गत साता ६० सहसचिवको सरुवा हुँदा अन्य मन्त्रालयमा सिडिओहरुको सरुवा भएपछि रिक्त जिल्लामा गृहले नयाँ सहसचिव र उपसचिवलाई खटाएको हो। यसरी १३ जना सहसचिव र उपसचिव सरुवा हुँदा ६ जना प्रमुख जिल्ला अधिकारी (सिडिओ) पदस्थापन गरेको थियो मन्त्रालयले भने बाँकी ६ प्रमुख जिल्ला अधिकारीहरु सरुवा गरिएको थियो ।
