बिज्ञापन

बिज्ञापन

कर्मचारी स्रोतका अनुसार तिवारीको बढुवा कुन ऐन–नियमअन्तर्गत गरिएको हो भन्ने प्रश्न नै मुख्य विषय बनेको छ। सामाजिक परिचालक पद स्वभावतः करार सेवाभित्र पर्ने हुँदा नियमित सेवाझैँ तहवृद्धि सम्भव हुन्छ कि हुँदैन भन्ने विषयमा समेत छानबिन केन्द्रित हुने देखिन्छ।

यसबिच गाउँपालिका अध्यक्षसँग पारिवारिक नाता जोडिँदै आएको आरोपले विवादलाई थप चर्काएको छ। यद्यपि पालिकाका प्रमुख प्रशासकीय अधिकृत महम्मद प्रवेश आलमले अख्तियारलाई रायसहितका कागजात पठाइसकिएकाले सार्वजनिक रूपमा थप टिप्पणी गर्न नमिल्ने बताएका छन्।

अख्तियारको प्रारम्भिक चासोसँगै स्थानीय तहमा करार कर्मचारी व्यवस्थापन, बढुवा प्रक्रिया र निर्णय प्रणालीको पारदर्शितामाथि व्यापक बहस सुरु भएको छ। छानबिनको निष्कर्षले यस प्रकरण मात्र होइन, अन्य स्थानीय तहका यस्तै अभ्यासमा पनि नजिर बसाल्ने अपेक्षा गरिएको छ।