संघीय सरकारको अकर्मण्यता साथै केही पालिकाका जनप्रतिनिधि र कर्मचारीको व्यवहारका कारण १४१ स्थानीय सरकार निमित्त प्रशासकीय प्रमुखको भरमा छन्, जसको प्रत्यक्ष प्रभाव सेवाग्राही र विकास निर्माणका काममा परेको छ। संघीय मामिला तथा समान्य प्रशासन मन्त्रालयका अनुसार देशका ७५३ स्थानीय तहमध्ये झण्डै २० प्रतिशत स्थानीय तहमा निमित्तको राज चलिरहेको छ । जसमा १ महानगरपालिका,८ उपमहानगरपालिका, ७२ नगरपालिका र ६० गाउँपालिकामा दरबन्दी अनुसारको प्रमुख प्रशासकीय अधिकृत खटाउन नसक्दा ती स्थानीय तहको नेतृत्व निमित्तले गरिरहेका छन् ।
बिज्ञापन
महानगरपालिका र उपमहानगरपालिकामा सहसचिवको दरबन्दी भए पछि अहिले ८ वटा उपमहानगरपालिका निमित्तको भरमा चलिरहेका छन् अर्थात त्यहाँ एक तह मुनीका उपसचिवलाई आर्थिक र प्रशासनिक अधिकार दिएर खटाइएको छ भने उपसचिव प्रमुख प्रशासकीय अधिकृत रहने नगरपालिकामध्ये ७२ वटामा शाखा अधिकृत र शाखा अधिकृत प्रमुख प्रशासकीय अधिकृत रहने ६० वटा गाउँपालिका नायब सुव्वा तहका कर्मचारी प्रमुख प्रशासकीय अधिकृत रहेका छन् ।
जस अनुसार कोशी प्रदेशमा रहेका २ उपमहानगरपालिकामध्ये १ वटामा मात्र दरबन्दी अनुसारका सहसचिव छन् अर्काेमा उपसचिव प्रमुख प्रशासकीय अधिकृत रहेका छन् । यस्तै सो प्रदेशमा ४६ वटा नगरपालिका रहेकामा ३८ वटामा पदपूर्ति छ बाँकी ८ वटामा दरबन्दी अनुसारको प्रमुख प्रशासकीय अधिकृत खटाउन सकेको छैन मन्त्रालयले । यस्तै,८८ वटा गाउँपालिकामाध्ये ७७ वटामा मात्र दरबन्दी अनुसारका कर्मचारीहरु छन्,११ वटा पालिकामा एक तह मुनीका कर्मचारीले पालिकाको नेतृत्व गरिरहेका छन् ।
बिज्ञापन
मधेसका १३६ स्थानीय तहमध्ये ५१ वटा पालिका प्रमुख प्रशासकीय अधिकृतविहीन रहेको सामान्यले जनाएको छ । सो प्रदेशभित्र रहेका तीन उपमहानगरपालिकामध्ये २ वटा रिक्त,७३ वटा नगरपालिकामध्ये ३८ र ७९ वटा गाउँपालिकामध्ये ८ वटामा दरबन्दी अनुसारको हाकिम खटाउन सकेको छैन मन्त्रालयले ।
यस्तै बाग्मती प्रदेशभित्र रहेका ४१ वटा नगरपालिकामध्ये १ वटा नगरपालिकामा प्रमुख प्रशासकीय अधिकृत खटाउन सकेको छैन भने ७४ वटा गाउँपालिकामध्ये ५ वटा गाउँपालिका रिक्त रहेको छ ।
यस्तै गण्डकी प्रदेशभित्र रहेका २६ नगरपालिकामा दरबन्दी अनुसारकै उपसचिवहरु नेतृत्व गरिरहेका छन भने ५८ वटा गाउँपालिकामध्ये ३ वटा गाउँपालिकामा प्रमुख प्रशासकीय अधिकृत खटाउन सकेको छैन मन्त्रालयले ।
यता लुम्बिनी प्रदेशभित्र रहेका ४ उपमहानगरपालिकामा दरबन्दी अनुसारका सहसचिव नहुँदा उपसचिवले निमित्त कार्यालय प्रमुख चलाइरहेका छन् । यस्तै सो प्रदेशभित्र रहेका ३१ वटा नगरपालिकामध्ये १ पालिकामात्र निमित्त प्रमुख प्रशासकीय अधिकृत रहेका छन् भने ७३ वटा गाउँपालिकामध्ये ६९ पालिकामा प्रमुख प्रशासकीय अधिकृत खटाउँदा ४ पालिकामा निमित्तको भरमा चलिरहेका छन् ।
यस्तै,कर्णाली प्रदेशका २५मध्ये १२ वटा नगरपालिकामा मात्र प्रमुख प्रशासकीय अधिकृत खटाउन सकेको छ मन्त्रालयले । सो प्रदेशभित्र रहेका ५४ गाउँपालिकामध्ये १० पालिका निमित्तकै भरमा चलिरहेका छन् ।
सामान्य प्रशासनका अनुसार,सूदुरपश्चिमका १ उपमहानगरपालिका,३३ मध्ये ११ वटा नगरपालिका र ५४ मध्ये १९ वटागाउँपालिकामा दरबन्दी अनुसारका कर्मचारी छैनन् ।
यता संघीय मामिला तथा सामान्य प्रशासन मन्त्रालयले कर्मचारीको अभाव देखाएर स्थानीय तहमा निमित्त प्रमुख प्रशासकीय अधिकृत बनाउन होडबाजी नै चलेको छ । स्थानीय तहमा खटिने प्रमुख प्रशासकीय अधिकृत संघले खटाउने व्यवस्था रहँदै आएको छ । यसरी संघले खटाएका कतिपय कर्मचारीहरु स्थानीय तहले हाजिर गर्न नमान्ने,आफैंले रोजेको कर्मचारीमात्र चाहिने परिपाटीका कारण पनि मन्त्रालयले दरबन्दी अनुसारको कर्मचारी खटन पटन गर्न सकेको छैन ।
बिज्ञापन
