पोखरा विमानस्थल भ्रष्टाचार मुद्दामा विशेष अदालतले नेपाल नागरिक उड्डयन प्राधिकरण (क्यान) का निलम्बित महानिर्देशक प्रदीप अधिकारीसँग ५ लाख रुपैयाँ धरौटीमा माग गरेको छ ।
मंगलबार थुनछेक बहसपछि विशेष अदालतका अध्यक्ष सुदर्शनदेव भट्ट र न्यायाधीश डिल्ली रत्न श्रेष्ठको इजलासले अधिकारीलाई ५ लाख धरौटीमा रिहा गर्न आदेश गरेको हो । उनीसँगै यस अगाडि पक्राउ परेका तत्कालीन उपमहानिर्देशक मुरारी भण्डारीलाई १ लाख धरौटीमा रिहा गर्न आदेश गरिएको छ ।
बिज्ञापन
गत मंसिर २१ मा अख्तियार दुरुपयोग अनुसन्धान आयोगले अधिकारीसहित ५५ जना बिरुद्ध भ्रष्टाचार मुद्दा दायर गरेको थियो । आयोगले ५ जना तत्कालिन मन्त्री,पाँच सचिवसहित ४४ जना कर्मचारीहरुलाई प्रतिवादी बनाएर मुद्धा चलाएको थियो ।
बिज्ञापन
निर्माण सम्झौता गर्ने चिनियाँ कम्पनी चाइना सिएएमसी बिरुद्ध पनि मुद्दा दायर गरिएको थियो । एक कम्पनीसहित ५६ जना प्रतिवादीबाट ८ अर्ब ३६ करोड ७३ लाख बिगो दाबी गर्दै आइतबार विशेषमा मुद्दा दायर भएकोमा आजको सुनुवाईपछि पछि प्रमाण परीक्षण गर्दै जाँदा ठहरे बमोजिम हुने गरी हाललाई ५ लाख धरौटीमा रिहा गर्न आदेश दिएको हो ।
अदालतले ५ लाख धरौटीमा रिहा गर्न आदेश दिए पछि उनी तत्काल रिहा हुने छैनन् । भक्तपुरको नालीञ्चोकमा बनाइएको हेलिफोर्टमा अनियमितता भएको भन्दै विशेष अदालतको आदेशपछि २१ मंसिरमा कारागार चलान भएका अधिकारीलाई ‘क’ ब्लकमा राखिएको छ उनलाई । यो मुद्दामा उनी पुर्पक्षका लागि कारागार चलान भएका हुन् ।
