गृह मन्त्रालयले देशभरका ३६ जना प्रमुख जिल्ला अधिकारी (प्रजिअ)हरूको सरुवा गरेको छ। आइतबार मन्त्रालयले ३६ सहसचिवको सरुवा गर्दा २५ जिल्लाका प्रमुख जिल्ला अधिकारीहरुको जिम्मेवारी हेरफेर गरेको हो ।
मन्त्रालयले ललितपुर,भक्तपुर सहित रुपन्देही, कैलाली, महोत्तरी, पर्सा, बाँके, बर्दिया, रौतहट, कपिलवस्तु लगायतका जिल्लाका प्रमुख जिल्ला अधिकारीहरूलाई नयाँ जिल्लामा सरुवा गरेको हो।

बिज्ञापन

सरुवाको सूची अनुसार टोकराज पाण्डेलाई रुपन्देहीबाट लमजुङ सारिएको छ । कृष्ण प्रसाद लम्साललाई कैलालीबाट नवलपरासी सुस्तापूर्व खटाइएको छ । यस्तै,हिरालाल रेग्मी सुस्तापूर्वबाट कैलालीको प्रमुख जिल्ला अधिकारीको जिम्मेवारी दिएर खटाइएको छ ।
यस्तै,नारायण रिसाललाई महोत्तरीबाट दोलखा, दोलखाबाट भोला दाहाललाई पर्सा पठाइएको छ भने पर्साबाट तोयनारायण सुवेदी अर्घाखाँची पठाइएको छ । सरुवाको सूची अनुसार,प्रेम प्रसाद लुँइटेललाई उदयपुरबाट धनुषा,जनार्दन गौतमलाई डडेल्धुराबाट कपिलवस्तु पुर्याइएको छ । यस्तै,लमजुङबाट माधव पोखरेल रुपन्देही पठाइएको छ भने केदारनाथ शर्मालाई जुम्लाबाट अध्यागमन कार्यालय भैरहवामा पठाइएको छ । बाँकेबाट धर्मराज जोशीलाई उदयपुरको प्रमुख जिल्ला अधिकारीको रुपमा खटाइदा सुरेन्द्र पौडेल बर्दियाबाट सिराहा पठाइएको छ । जिल्ला प्रशासन कार्यालय अर्घाखाँचीबाट गोपाल अर्याल गृहमा तानिएको छ भने विनोद कुमार खड्कालाई रौतहटबाट धनकुटा,दिल कुमार तमाङलाई कपिलवस्तुबाट बाँकेको प्रजिअको रुपमा सरुवा गरिँदा सिन्धुलीबाट दिनेश सागर भुसाललाई रौतहट,अछामबाट आनन्द सारुलाई गुल्मी पुर्याइएको छ ।
यस्तै,विष्णु कोइरालालाई गुल्मीबाट आछाम,सुनसरीबाट धर्मेन्द्र मिश्रलाई बारा,झापाबाट गोपाल कुमार अधिकारीलाई काभ्रेपलाञ्चोकमा पुर्याइएको छ । भक्तपुरका प्रजिअ रहेका नमराज घिमिरेलाई पञ्जिकरण विभागको महानिर्देशक,ललितपुरका प्रजिअ सुमन घिमिरेलाई कसुरजन्य सम्पत्ति व्यवस्था विभागका महानिर्देशको जिम्मेवारी सुम्पिदा त्यहाँ कार्यरत रहेका प्रेम प्रसाद भट्टराई ललितपुरको प्रमुख जिल्ला अधिकारीको रुपमा खटाइएको छ । युवराज कट्टेल सिडिओ बनेर झापा सरुवा हुँदा गृहबाट गोगन हमाल बर्दियाको प्रमुख जिल्ला अधिकारीको रुपमा खटाइएको छ ।
यस्तै मोरङबाट इन्द्रदेव यादवलाई महोत्तरी,काभ्रेपलाञ्चोकको प्रमुख जिल्ला अधिकारी रहेका उमेश ढकाललाई भक्तपुर,गृहको बरण्डामा रहेका वासुदेव घिमिरेलाई सुनसरीको प्रजिअको जिम्मेवारी दिइएको छ भने शिवराम गेलाललाई धनकुटाबाट झापा पठाइएको छ । सूची अनुसार,सिराहाबाट बसन्त अधिकारीलाई मकवानपुर,मकवानपुरबाट स्किम श्रेष्ठलाई सिन्धुली,गोरखाबाट रामुराज कडरियालाई सर्लाही त्यहाँ कार्यरत रहेका तुल्सी श्रेष्ठलाई गोरखा पुर्याइदा खिमबहादुर रायमाझी जुम्ला पुगेका छन् ।