बिज्ञापन

बिज्ञापन

परराष्ट्रका अनुसार फिर्ता बोलाउन लागिएका राजदूतहरुमा चीनमा कार्यरत कृष्णप्रसाद ओली, जर्मनीबाट शाहिल रुपाखेती, भारतमा कार्यरत डा शंकरप्रसाद शर्मा, इजरायलका लागि धनप्रसाद पन्डित, मलेसियाका लागि नेत्रप्रसाद तिम्सिना, कतारका लागि रमेशचन्द्र पौडेल, रुसका लागि जंगबहादुर चौहान, साउदी अरेबियाका लागि डा नरेशविक्रम ढकाल, बेलायतका लागि चन्द्रकुमार घिमिरे, अमेरिकाका लागि लोकदर्शन रेग्मी र स्पेनका लागि शनिल नेपाल छन् ।

अष्ट्रेलियाका लागि राजदूतका रुपमा कार्यरत चित्रलेखा यादव, डेनमार्कका लागि सुम्निमा तुलाधर, दक्षिण कोरियाका लागि शीवमाया तुम्बाहाङ्फे, दक्षिण अफ्रिकाका लागि कपिलमान श्रेष्ठ र श्रीलंकाका लागि पूर्णबहादुर नेपालीलाई भने तत्काल फिर्ता नबोलाइने जनाइएको छ ।

हाल विभिन्न देशमा रहेका ३१ दूतावास र तीन स्थायी नियोग गरी ३४ वटा नियोगहरुमा नेपाली राजदूतहरु रहेका छन् । तीमध्ये १८ स्थानमा करियर डिप्लोम्याट (परराष्ट्र मन्त्रालयका), १६ स्थानमा राजनीतिक नियुक्तिका आधारमा गएका राजदूतहरु छन् ।
यसरी नियुक्त भएकामध्ये राजनीतिक नियुक्ति पाएका १६ मध्ये ११ जनालाई फिर्ता बोलाउने तयारी भएको मन्त्रालयले जनाएको छ ।

प्रधानमन्त्री सुशीला कार्की निकट स्रोतका अनुसार आज बस्ने मन्त्रिपरिषद् बैठकमा प्रस्ताव पेश गरिनेछ। यदि आजको बैठकमा प्रस्ताव पेश भएन भने, आगामी हप्ता औपचारिक निर्णय हुनेछ। फिर्ता बोलाइने राजदूतहरूलाई यसबारे आधिकारिक सूचना पठाइसकिएको स्रोतले जनाएको छ ।