न्याय सेवा आयोगले ४९ जना कर्मचारीहरुलाई उप सचिव र सहसचिव तहमा बढुवा गर्ने भएको छ । आयोगले नेपाल न्याय सेवा अन्तर्गत न्याय, कानुन र सरकारी वकिल समूहको राजपत्राङ्कित प्रथम र द्वितीय श्रेणीका रिक्त पदहरू ४९ जना कर्मचारीहरुलाई बढुवा गर्न लागेको हो ।
बिज्ञापन
बिज्ञापन
आयोगले आज एक सूचना प्रकाशित गर्दै १६ जना सहसचिव र ३३ जना उपसचिवका लागि बढुवा विज्ञापन खुलाएको हो । आयोगले सहसचिव र उपसचिव पदमा ज्येष्ठता र कार्य सम्पादन मूल्याङ्कन तथा कार्यक्षमताको मूल्याङ्कन को आधारमा बढुवा गर्न लागेको हो ।
आयोगका अनुसार ०८२ असार मसान्तसम्म न्यूनतम सेवा अवधि पुगेका र आवश्यक शैक्षिक योग्यता भएका सम्भाव्य उम्मेदवारहरूले निर्धारित ढाँचामा आयोगमा दरखास्त बुझाउन भनिएको छ ।
सूचना प्रकाशित भएको मितिले ३५ दिनभित्र बढुवाका लागि आवेदन दिन सूचनामा भनिएको छ । विस्तृत सूचना न्याय परिषद् सचिवालयको वेबसाइटमा उपलब्ध छ।
बिज्ञापन
