बिज्ञापन

बिज्ञापन

राजदूत पण्डितका अनुसार आइतबार नेपाली समय अनुसार साँझ करिब साढे ७ बजे इजरायली डिफेन्स फोर्सकी महिला कर्मचारीले दूतावासमा फोन गरेर विपिन जोशी जीवित नरहेको जानकारी गराएकी थिइन्। उक्त सूचना प्राप्त भएपछि दूतावासले तुरुन्तै जोशीका परिवारसँग सम्पर्क गरेको हो ।

विपिन जोशी विद्यार्थी भिसामा इजरायल पुगेका थिए। हमासको आक्रमणका बेला उनी किबुत्ज अलुमिममा रहेका बेला सम्पर्कविहीन भएका थिए। हमास समूहले उनलाई किबुज आलुमिमबाट ०८० असोज २३ मा अपहरण गरेको थियो।

विपिन कञ्चनपुरको भीमदत्त नगरपालिका–३ भासीका विपिनजस्तै कृषि पढ्न गएका १० नेपाली विद्यार्थी मारिएका थिए भने केही घाइते भएका थिए । विपिन भने इजरायली र थाई नागरिकसहित बन्धक बनाइएका थिए । त्यो बेला हमासले २ सय ५१ जनालाई बन्धक बनाएको थियो । तीमध्ये अधिकांश विभिन्न समयमा भएका युद्धबिराम सम्झौतापछि छुटेका थिए । पछिल्लो समय हमासको कब्जामा कुल ४८ जना रहेको र तीमध्ये २० जना मात्र जीवित रहेको रिपोर्ट छ । आक्रमणको ७ सय ३८ दिनपछि हमासले २० जीवित बन्धकलाई आज फिर्ता गर्दैछ । इजरायलसँग शान्ति योजनामा सहमति भएपछि हमासले ७ अक्टोबर २०२३ मा बन्धक बनाएकाहरूलाई छोड्न लागेको हो ।

हमास समूहले आज उसको कब्जामा रहेका २० जनालाई इजरायलसमक्ष हस्तान्तरण गर्दै छ।