गृह मन्त्रालयले सिडियो सरुवामा मनलाग्दी गर्न थालेको छ । मन्त्रालयले केही सहसचिवलाई डेढ महिना,केही सहसचिवलाई १४ दिनमै खटाइएको जिल्लाबाट फिर्ता गर्दा एक सहसचिवलाई कार्यविधि विपरित लगातार तेस्रो पटक क बर्गको जिल्लामा प्रमुख जिल्ला अधिकारीको रुपमा खटाएर कार्यविधिको उल्लंघन गरिरहेको भेटिएको छ ।
बिज्ञापन
गृह मन्त्रालयले सिडियोको खटन पटनमा आफ्नै कार्यविधि लत्याउँदै आएको हो । गृहमन्त्री रमेश लेखक र गृहसचिव गोकर्णमणि दुवाडीले पटक पटक मन्त्रालयले बनाएको कार्यविधि उल्लंघन गर्न थालेको छ । प्रमुख जिल्ला अधिकारीको पदस्थापन वा सरुवा गर्ने वा कामकाज गर्न खटाउने सम्बन्धी कार्यविधि, २०७९ मा ‘क’ वर्ग जिल्लामा बसेको सिडिओलाई ‘क’ वर्ग कै जिल्लामा नखटाउने उल्लेख गरेको भए पनि केही सहसचिवको हकमा यस्तो कार्यविधि कागजको खोस्टोमा सीमित बन्न पुगेको छ ।
बिज्ञापन
यस अघि नै कार्यविधि मिचेर गृहले गृह प्रशासनको अनुभवै नभएका केही सहसचिवहरुलाई क जिल्लामा सिडियो बनाएर खटाएको थियो । भदौं पहिलो साता नमराज घिमिरेलाई कार्यविधि विपरित भक्तपुरको प्रमुख जिल्ला अधिकारी बनाएर खटाएका थियो गृहले ।
बिज्ञापन
गृहले बनाएको कार्यविधिमा एक वर्ष गृह मन्त्रालय अन्तर्गत काम गरिसकेको अधिकृतलाई मात्र ‘क’ वर्गको जिल्लामा सिडिओ बनाउने उल्लेख छ। त्यसविपरीत घिमिरेलाई गृह मन्त्रालय छिर्नेबित्तिकै ‘क’ वर्गको जिल्ला भक्तपुरको सिडिओ बनाएर पठाइएको हो। घिमिरे प्रधानमन्त्री कार्यालयबाट गृह छिर्ने वित्तिकै सिडियो बन्ने अवसर पाएका सहसचिव हुन ।
यस्तै गृहले भोजपुरको प्रमुख जिल्ला अधिकारी सुरेश पन्थी डेढ महिनामै गृह मन्त्रालय तानेर तानेर नीति, योजना, अनुगमन तथा मूल्याङ्कन महाशाखा प्रमुखको जिम्मेवारी दिएको छ भने सो ठाउँमा खटाइएको थियो बाबुराम गौतमलाई । १४ दिन नबित्दै भोजपुरमा सहसचिव शिवलाल तिवारीलाई खटाइएको छ भने वावुरामलाई फिर्ता बोलाइएको छ । उनलाई गृहको बरण्डामा थन्काइएको छ ।
यस्तै चितवनमा खटाइएका गणेश अर्यालको हकमा समेत प्रश्न उठ्न थालेको छ । गृहका कर्मचारीहरुका अनुसार अर्याललाई चितवनको प्रमुख जिल्ला अधिकारी बनाएर खटाउँदा गृहले प्रमुख जिल्ला अधिकारी पदस्थापन वा सरुवा गर्ने वा काज खटाउने सम्बन्धी (दोस्रो संशोधन) कार्यविधि, २०८०’ उल्लघन गरेको छ । अर्याल रुपन्देही पर्सा हुँदै गृहमा तानिएका थिए । यी दुबै क श्रेणीका जिल्ला मानिन्छन् । पर्साबाट गृहमा भित्रिएका साता दिन नबित्दै अहिले चितवन जिल्लाको सिडियो बनाएर खटाइएको छ,अर्याललाई ।
गृहका कर्मचारीहरुका अनुसार,यस अघि ‘क’ वर्गको पर्सामा ९ महिना बढी सिडिओ चलाएर आएका हुन अर्याल । त्यस अघि अर्याल ‘क’ वर्ग कै जिल्ला रूपन्देहीको प्रमुख जिल्ला अधिकारी थिए । अहिले फेरि ‘क’ वर्गको जिल्लामा प्रमुख जिल्ला अधिकारी बनाएर खटाइएको छ । जबकी गृहले बनाएको कार्यविधिमा ‘क’ वर्गको जिल्लामा प्रमुख जिल्ला अधिकारी भएकालाई ‘ख’ वर्ग वा मन्त्रालयका महाशाखा वा विभागमा जिम्मेवारी दिने कार्यविधिमा लेखिएको छ ।
