संघीय मामिला तथा सामान्य प्रशासन मन्त्रालयले रिक्त पदहरुको माग आकृति फाराम भरेर पठाउन परिपत्र गरेको छ ।
मन्त्रालयले महालेखा परीक्षकको कार्यालय र महालेखा नियन्त्रकको कार्यालयलाई चालु आर्थिक बर्ष ८२ /८३ मा रिक्त हुने निजामती सेवाको पदहरुको पूर्तिका लागि माग आकृति फाराम पठाउन परिपत्र गरेको हो ।
बिज्ञापन
लोक सेवा आयोगको स्वीकृत वार्षिक कार्यतालिका अनुसार चालु आर्थिक बर्षमा रिक्त निजामती सेवाका पदाहरुको पूर्ति गर्ने प्रयोजनका लागि महालेखाले सञ्चालन गर्ने सेवा, समूह, उपसमूह अन्तर्गत विभिन्न निकायमा रहेका सहसचिव र उपसचिव (प्राविधिक तथा अप्राविधिक) तहको रिक्त पदहरुको विवरण खुल्ने माग आकृति फाराम भरी आगामी भाद्र २० गते भित्र उपलब्ध गराई दिन परिपत्र गरेको हो ।
बिज्ञापन
सामान्य प्रशासनको सचिवस्तरको निर्णय अनुसार माग आकृति फाराम पठाउँदा नेपाल सरकार मन्त्रिपरिषद्बाट स्वीकृत भई राष्ट्रिय कितावखाना (निजामती) मा दर्ता भएका पदहरुलाई मात्र समावेश गर्न र किताबखानाको अद्यावधिक विवरणसँग भिडाउन एवम् आफ्नो सेवा समूह उपसमूहका पदहरु बन्य निकायमा कार्यरत रहेको भए सो समेत समावेश गरी मन्त्रालयको इमेल ठेगानामार्फत समेत अनिवार्य रुपमा पठाउन परिपत्र गरेको हो ।
