कारागार व्यवस्थापन विभागका महानिर्देशक फेरिए लगतै रवि लामिछानेको जेल स्थान्तरण प्रक्रिया अगाडि बढेको छ ।
बिज्ञापन
गत जेठ तेस्रो साता भैरहवाका जेलर सुरेश भण्डारीसमक्ष रवि लामिछानेले जेल स्थान्तरणका लागि निवेदन बुझाएका थिए ।
बिज्ञापन
गत चैत २२ गते जिल्ला अदालतले छविलाल जोशी बञ्जाडेसँगै पुर्पक्षका लागि थुनामा पठाउन आदेश गरेको थियो । बुटवलको सुप्रिम सहकारी ऋण तथा बचत सहकारी संस्थाको रकम अपचलन मुद्दामा पुर्पक्षका लागि भैरहवा कारागारमा रहेका रास्वपा सभापति रवि लामिछानेले कारागार स्थानान्तरण प्रक्रिया अगाडि बढेको हो ।
उनलाई अहिले कारागारको चार नम्बर ब्लकमा एक्लै राखिएको छ । यस अघि गैरकानुनी थुनामा राखिएको भन्दै श्रीमती निकिता पौडेलले दायर गरेको बन्दी प्रत्यक्षीकरण रिट सर्वोच्चले जारी गर्न नमानेपछि काठमाडौं सरुवाका निम्ति अनुरोध गरेका थिए । स्वास्थ्य र गर्मीको कारण देखाएर जेल सर्न खोजेका उनको सो निवेदन प्रक्रिया अलपत्र पर्दै आएको थियो । यस अघि डिल्लीबजार कारागार सार्न खोजिएकोमा अब नख्खु सारिने भएको हो ।
यसअघि नै कारागार सरुवाका लागि निवेदन दिएका लामिछानेको सरुवा भने भएको थिएन । कारागार विभागका महानिर्देशक नारायण प्रसाद भट्टराई हुँदा उनको जेल स्थान्तरण रोकिएको थियो । भट्टराई सरुवा भएर निर्वाचन आयोगमा पुगेका छन् भने उनको स्थानमा लीलाप्रसाद शर्मा नियुक्त भएका छन् ।
डिजी फेरिए लगतै रवि लामिछानेको जेल स्थान्तरण अगाडि बढेको हो ।
बिज्ञापन
