स्थानीय विकास प्रशिक्षण प्रतिष्ठानले स्थानीय तह तथा प्रदेशमा कार्यरत ६९० कर्मचारीहरुलाई सेवाकालीन प्रशिक्षण दिने भएको छ ।
बिज्ञापन
चालु आर्थिक वर्ष २०८२/ ८३ को स्वीकृत वार्षिक कार्यक्रमअनुसार प्रदेश तथा स्थानीय तहमा कार्यरत रहेका चौंथौंदेखि आठौं तहसम्मका कर्मचारीहरुलाई सेवाकालीन तालिम दिन लागिएको हो ।
प्रतिष्ठानले आठौँ, सातौं र छैटौं तहका स्तरका कर्मचारीहरुका अलवा राजपत्र अनंकित प्रथम तथा द्वितीय श्रेणीका कर्मचारीहरू एवम् प्रदेश तथा स्थानीय तहमा कार्यरत पाँचौं र चौथो तहका गरी ६९० जना कर्मचारीहरुलाई सेवाकालीन तालिम दिन लागेको जनाएको छ ।
बिज्ञापन
३२ कार्य दिनको सेवाकालीन प्रशिक्षणमा प्रदेश तथा स्थानीय तहका आठौं तहका ७०,प्रदेश तथा स्थानीय तहमा कार्यरत सातौं तहका ६० कर्मचारीहरुलाई दिने जनाइएको छ ।
यस्तै प्रदेश तथा स्थानीय तहका छैटौं तहका ९० अधिकृत,प्रदेश तथा स्थानीय तहका पाँचौं तहका २४० र चौथौं तहका २४० गरी कूल ६९० कर्मचारीहरुलाई सेवाकालीन तालिम दिन लागिएको हो ।
बिज्ञापन
सेवाकालीन तालिमका लागि इच्छुक स्थायी कर्मचारीहरूले स्थानीय विकास प्रशिक्षण केन्द्रमा रहेको अनलाइन मनोनयन फाराम भरी हाल बहाल रहेको पदमा नियुक्तिमा भएको पत्रको छायाँप्रति, समायोजनसम्बन्धी अन्तिम निर्णयपत्रको छायाँप्रति (स्तर वृद्धि भई समायोजन भएको भएमा),प्रशिक्षार्थीको नाम, बहाल रहेको पद र श्रेणी,तह,नियुक्ति मितिसम्म खुलेको कार्यालय प्रमुखको सिफारिस पत्रसहित आवेदन दिन सूचनामा भनिएको छ ।
