बिज्ञापन

बिज्ञापन

सो पालिकामा रुरुक्षेत्रमा असार ३० गते एमाले रुरुक्षेत्र गाउँ कमिटीले तालाबन्दी गरेको थियो । गाउँपालिका अध्यक्ष यदु ज्ञवाली सहितको टोलीले प्रमुख प्रशासकीय अधिकृत लक्ष्मण पाण्डेको कार्यकक्षमा ताला लगाएका थिए ।

रुरुक्षेत्र गाउँपालिका अध्यक्ष यदु ज्ञवाली र प्रमुख प्रशासकीय अधिकृत छन् लक्ष्मण पाण्डे । यी दुबैको कार्यकक्षमा लगाइएको तालाबन्दी आज खुलेको हो । जिल्ला सुरक्षा समिति गुल्मीको निर्णयअनुसार नेपाल प्रहरी र सशस्त्र प्रहरी बल गुल्मीले सुरक्षा प्रदान गरेर रुरुक्षेत्र गाउँपालिकाका कर्मचारीले तालाबन्दी खोलेका हुन् ।

यस विषयमा शुक्रबारमात्रै सो तालाबन्दी खोल्न जिल्लामा क्रियाशील ४ वटा कर्मचारीका संगठनले माग गरेका थिए । कर्मचारी संगठनहरुले संयुक्त विज्ञप्ति जारी गर्दै दैनिक प्रशासनिक सेवा प्रभावित भएपछि सर्वसाधारणको जीवन कष्टकर भएको भन्दै कर्मचारी संगठनहरूले यस्तो कार्य सिभिल सेवा ऐन २०४९ तथा बमोजिम साउन १ गतेदेखि लागू हुने तलब वृद्धि निर्णय कार्यान्वयनमा समेत बाधक भएको जिल्लास्थित क्रियाशिल कर्मचारी युनियनहरुको आरोप छ ।

उनीहरुले तलब वृद्धि कार्यान्वयन रोकिँदा राष्ट्रसेवक कर्मचारीहरूको मनोबलमा गम्भीर असर पुगेको र विकासमा समेत प्रतिकूल असर परेको दावी गर्दै आपत्ति नै जनाएका थिए ।

रुरुक्षेत्र गाउँपालिकाका प्रवक्ता हरिप्रसाद ज्ञवालीले जिल्ला सुरक्षा समितिको निर्णय अनुसार ताला सुरक्षाकर्मीले ताला खोलेको प्रतिक्रिया दिएका छन् ।