भ्रष्टाचारको धनले सधैं भरी पोल्छ । लुकाइराख्न सकिदैन एक दिन पोल खुल्छ भनेझैं अख्तियार दुरुपयोग अनुसन्धान आयोगले भ्रष्टाचार मुद्धामा श्रीमान बितेपछि तिनका श्रीमती र सन्तानलाई समेत प्रतिवादी बनाएर मुद्धा चलाउने क्रमले निरन्तरा पाइरहेको छ । केही अघिमात्र दिवगंत पूर्व मुख्य सचिव माधव घिमिरे पत्नीलाई समेत अख्तियारले पतञ्जली जग्गा प्रकरणमा प्रतिवादी बनाएर मुद्धा चलाएको धेरै भएको छैन । उही शैलीमा फेरि अर्काे कर्मचारीको पत्नी र छोरालाई प्रतिवादी बनाएर अख्तियारले विशेषमा मुद्धा लगेको छ ।

बिज्ञापन

भ्रष्टाचारमा संलग्न देखिएका धनुषाको सबैला नगरपालिकाका पूर्वप्रशासकीय अधिकृत बालवीर ठाकुर बितेपछि श्रीमती र छोराविरुद्ध मुद्दा दायर भएको छ । अख्तियार दुरुपयोग अनुसन्धान आयोगले उनीहरुसहित सात जनाउपर आज विशेष अदालतमा मुद्दा दर्ता गरेको छ ।