सत्तारुढ तथा प्रतिनिधिसभाको सबैभन्दा ठुलो दल नेपाली कांग्रेसले असहमति जनाएपछि ‘भूमि सम्बन्धी केही नेपाल ऐनलाई संशोधन गर्ने विधेयक, २०८२’ प्रतिनिधिसभाको कार्यसूचीबाट हटाइएको छ ।प्रतिनिधि सभाको आजको बैठकबाट भूमि विधेयक पारित गर्ने तयारीमा सरकार थियो। त्यसैले सम्भावित कार्यसूचीमा समेत राखिएको थियो। तर अहिले कार्यसूचीबाट उक्त भूमिसम्बन्धी विद्येयक हटाइएको छ ।

बिज्ञापन

 सम्बन्धित समिमिमा समेत नपठाइ भूमि व्यवस्था, सहकारी तथा गरिबी निवारणमन्त्री बलराम अधिकारको प्रस्ताव पारित गर्ने कार्यसूची राखेपछि काँग्रेसकाका महामन्त्रीद्वय गगन थापा र विश्वप्रकाश शर्मालगायतले सरकारले ल्याएको विधेयकले सार्वजनिक जग्गा वितरण गर्ने प्रावधान राखेको भन्दै सच्याउन संशोधन दर्ता गरेका थिए। यस्का अलवा विद्येयकमा थापा, शर्मासहित सहमहामन्त्री जीवन परियार सहित कांग्रेस सांसदहरू दिलेन्द्र बडु, राजेन्द्र केसी, सञ्जय गौतम, आशा विक, नागिना यादव, सीता मिजार, रमा पौडेल कोइराला लगायतले संशोधन प्रस्ताव दर्ता गरेका छन्।