रसुवामा बाढीले पुल सडक घर तथा मान्छेहरू बगाएको छ। स्थानीयहरुका अनुसार,भोटेकोशी नदीमा अहिलेसम्मकै ठुलो बाढी आउँदा नेपाल र चीन जोड्ने मितेरी पुलमा बाढीले क्षति गरेको छ । गए राति भोटेकोसी नदीमा आएको बाढीले पक्की पुल बगाएको हो । बाढीले भन्सार र्याडमा भएको कन्टेनरहरू पनि बगाएको छ। केरूङमा सामान लिन जान लागेका र सामान लिएर फर्किदै गरेको गाडीहरू पनि बाढीमा बगेका छन ।ड्राइपोर्ट क्षेत्रमा समेत बाढीले क्षति पुर्याएको छ । त्यहाँ जाँचपासका लागि राखिएका गाडीहरु पनि बगाएको प्रहरीले जनाएको छ ।
बिज्ञापन
गोसाइँकुण्ड नगरपालिका ३ मा चीनतर्फबाट आएको भोटेकोसीको बाढीले नेपाल चीन जोड्ने मितेरी पुल बगाएको हो । त्यहाँ रहेका गाडीका अलवा केही मानिसहरुसम्म बगाएको स्थानीयहरुले जनाएका छन् ।
बिज्ञापन
यद्यपि जिल्ला प्रहरी कार्यालय रसुवाले भने क्षतीको विवरण प्राप्त नभइसकेको र प्रहरीहरु अहिले खोजी तथा उद्धारमा लागिरहेको जनाएको छ । वाढीका केही मानिसहरु फसेकोले उद्धारका लागि हेलिकोप्टरसँग समन्वय भइरहेको र खराब मौसमको कारण समस्या भएको जिल्ला प्रशासन कार्यालय रसुवाले जनाएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले दिएको जानकारीअनुसार त्यहाँ थुप्रै कन्टेनर पुरिएको छ । क्षतिको थप विवरण आउन बाँकी छ । हालसम्म कुनै मानवीय क्षति भएको खबर प्राप्त भएको छैन। नदीमा पानीको बहाब अझै उच्च रहेकोले सतर्क रहन तल्लो तटीय क्षेत्रमा बसोबास गर्ने सम्पूर्ण नागरिकलाई सूचित गरेको छ ।
