बिज्ञापन

बिज्ञापन

घिमिरेले व्यवसायी तथा जया फर्निचरका मालिक भुवन तुलाधरसंग समाचारमा उल्लेख भएजस्तो आफ्नो कुनै चिनजान र सम्पर्क नरहेको उल्लेख गर्दै कुनै पनि चिनजान र सम्पर्क नभएको व्यक्ति तथा व्यवसायी संग कारोबारमा हुने कुनै पनि सम्भाबना नै नरहेको प्रष्टाएका छन् । उनले समाचार प्रकाशन भएपछि व्यवसायी तुलाधरसँग सम्पर्क गर्दा कुनै चिनजान र लेनदेन नरहेको तथा आफ्नो नाम कहिँ कतै उच्चारण समेत नगरेको हुँदा लोकतन्त्र र मानव अधिकार सहित ट्रेड युनियनको अधिकार लडाइमा सतिसाल भएर उभिएको व्यक्तिको शाख गिराउने तथा भ्रामक मिथक खडागर्ने समाचार प्रकाशन भएको र समाचार प्रकाशन पूर्व त्यसको सत्यता परीक्षण नगरी प्रकाशन गरिएकोप्रति खेद प्रकट गरेका छन् ।

यसैबीच जया फर्निचरका मालिक जगदीश्वर मान सिंहले समेत समाचारमा उल्लेख भएजस्तो मोहन घिमिरेको तर्फबाट आजसम्म व्यक्तिगत लेनदेन नभएको प्रष्ट पारेको छ ।

यद्यपि कर्मचारी प्रेसमा प्रकाशित समाचारमा मोहन घिमिरेसँगको व्यक्तिगत लेनदेनको बिषय कहिँ कतै उल्लेख गरिएको छैन । समाचारमा मोहन घिमिरे संस्थापक अध्यक्ष तथा हाल सल्लाहकारको भूमिकामा रहेको एकीकृत सरकारी कर्मचारी संगठनलाई जया फर्निचरले तीन बर्ष अगाडि नै साढे दुई लाख बढीको फर्निचर सामाग्री उपलव्ध गराएको र सोको भुक्तानी संस्थागत रुपमा नभएको बिषय मात्र उल्लेख गरिएको छ ।