बिज्ञापन

बिज्ञापन

यसैबीच गत साता विभागमा एउटा उजुरी आयो । उजुरकर्ताले श्रम, रोजगार तथा सामाजिक सुरक्षा मन्त्रालय अन्तर्गत सञ्चालित श्रमाधान कल सेन्टरमा आफू एक म्यानपावरबाट दुवई जान लागेको र २ लाख ३५ हजार रुपैया दिएको तर आजको मितिमा फ्लाईट छ भनी हाल सम्पर्कमा नरहेको भन्दै उजुरी गर्दछन्,यसरी उजुरी गर्ने व्यक्ति हुन,पोखराका राजेन्द्र (नाम परिवर्तन) ।

सो विषय कल सेन्टरको अनलाईन प्रणालीबाट वैदेशिक रोजगार विभागमा पुग्छ र महानिर्देशक कमल प्रसाद भट्टराईले तत्काल अनुगमन गरी कारवाही गर्न आदेश दिन्छन्। विभागको अनुगमन टोलि जेठ १ गते उजुरीमा उल्लेख भएको म्यानपावरमा अकस्मात अनुगमन गर्न निस्कन्छन र वैदेशिक रोजगारमा जाने श्रमिकको समस्या तत्काल समाधान गर्न र लिखित जवाफ पेश गर्न निर्देशन दिएर आउँछ।

यस बखत उजुरीकर्ता नेपालबाट दुबईको उडानमा नयाँ दिल्लीको ट्रान्जिटमा रहेको हुन्छ। यसै बीच उक्त म्यानपावरले उजुरीकर्ताको खास समस्या बुझी समाधान गर्ने उद्देश्यले उनको मात्र उडान रद्द गरी नेपाल फिर्ता बोलाउँछ। आईतबार विभागमा दुबै पक्ष उपस्थित भई निवेदन प्राप्त भएपछि थाहा हुन्छ कि उजुरीकर्ताले आफू विदेश जानेबेला एअरपोर्टमा श्रमाधानको सूचना राखेको देखी निःशुल्क कल हुने भएकोले खाली समयमा कल सेन्टरमा विचार गर्न कल गरेका रहेछन्।

निज उजुरीकर्ताले आफूले गल्ति गरेको र यस्तो गल्ती आइन्दा नदोहोर्याउने भनी क्षमायाचनाको निवेदन विभागमा दर्ता गराएका छन् भने आरोपी म्यानपावरले पनि विभागको अनुगमन र निर्देशनलाई पालना गर्न निज उजुरीकर्तालाई नेपाल झिकाएको र अब छिट्टै पुनः दुबईतर्फ उडाउने प्रतिवद्धता जनाएको अनुगमन शाखाका निर्देशक टिकाराम ढकालले बताए।
उनले कोही कसैले पनि झुट्टा विवरण उल्लेख गरी उजुरी नगर्न र आफू वैदेशिक रोजगारीका सम्बन्धमा वास्तविक रुपमा अफ्टेरोमा परेको भए जुनसुकै बेला तत्काल विभागका महानिर्देशक, गुनासो सुन्ने अधिकारी, सम्बन्धित निर्देशक, कल सेन्टर या कुनैपनि उपयुक्त माध्यममा प्रमाण सहित उजुरी गर्न सम्पूर्णमा अनुरोध गरेका छन्।